|
 |
 |
 |
|
رقم المشاركة : ( 1 )
28 - 11 - 2025, 10:09 PM
|
|||||||||||
|
|||||||||||
|
الله الحنين… 🤍 الإله اللي عمره ما كان غايب ولا سايب، اللي بيمشي جنبك حتى وانت فاكر إنك لوحدك. شايف كل حاجة… الكواليس اللي محدش يعرفها، والتفاصيل الصغيرة اللي وجعِت قلبك ومقدرتش تقولها لحد. شايف اللحظة اللي وقفت فيها قدام نفسك ومش عارف تكمل… شايف تعبك اللي مخبيه في ضحكة ، وشايف وجعك اللي كتمته عشان ما تزعلش حد. شايف الأمنيات اللي قعدت على الرف سنين، والأحلام اللي وقعت منك وانت ماشي، والفرص اللي اتقفلت في وشك. شايفك لما الأرض فعلاً كانت بتتهز تحت رجليك وكنت بتتظاهر إنك ثابت… شايفك لما كنت ساكت ، سايب الكلام يعلى جواك، وبصيت للسما وقلت: «يا رب… أنا مش قادر.» وحتى في لحظة الإحباط اللي عينيك نزلت فيها للأرض … هو كان سامع. سماعك مش بس بصوتك… سماع روحك، نبضك، خوفك، تعبك، وكل سؤال سايب جواك علامة استفهام. والأجمل… إنه مش بس سامع. ده مُدون… بيكتب كل لحظة، كل تنهيدة، كل رجاء، كل خطوة، كل وقفة. وبيطمنك من غير كلام… إنه موجود، ماسكك، حتى لو لسه الاستجابة مجتش.. 
|
|
العرض الشجري