محبوب يعطيه نومًا

[walaa farouk]

يا رب، إحنا ولادك.. اللي بتحبنا أكتر من نفسنا.
آدي أحباءك بين إيديك، دخلوا دلوقتي في نوم يمكن تقيل من كتر التعب والهم،
ويمكن في نوم مكسور من قلق وأفكار مش سايباهُم يهدوا.
يا يسوع، زي ما قلت مرة: “محبوب يعطيه نومًا
”، إحنا مستندين على وعدك. إدّي لكل قلب نايم دلوقتي سلام يفوق كل عقل،
وإدّي لكل نفس مرهقة راحة حقيقية مش مجرد نوم جسد،
لكن راحة روح وعزاء عميق.
خلّي الليل ده يبقى مختلف.. مش مجرد ساعات بتعدّي،
لكن يكون حضنك هو الغطا، وسلامك هو المخدة،
وحبك هو الأمان اللي يطمن قلوبنا مهما حصل حوالينا.
آدي أحباءك يا رب.. اسمهم على إيديك
. وانت إله لا ينعس ولا ينام، سهران علينا وإحنا مطمّنين.