أنت ماشي في خطة إلهية أكبر من توقعاتك

[walaa farouk]

ساعات بنبص للحياة على إنها صدفة..
مواقف بتيجي وتعدي.. ناس نلاقيهم من غير ترتيب.
. أحداث بتحصل من غير مقدمات.
لكن الحقيقة إن مفيش حاجة بتيجي من فراغ..
كل حاجة محسوبة.. وكل لحظة في عمرنا جاية في وقتها اللي ربنا شايفه أنسب لينا.
يمكن النهاردة تشوف مشهد ناقص وتقول “ليه كده؟”..
بس صدقني ربنا بيرتب الصورة كلها على بعضها.
زي لوحة مليانة تفاصيل.. ساعات بتشوف جزء صغير وتفتكر إنها ملهاش معنى.
. لكن لما تكمل هتفهم إنها قطعة أساسية.
الحياة مش لعبة حظ.. ولا ضربات صدفة.. الحياة قصة مكتوبة بإيدين ربنا.
. وأنت بطل فيها مهما حسيت إنك عادي. كل خطوة..
كل دمعة.. كل ابتسامة.. ليها وزنها ومعناها.
عيش متطمن.. إنك مش ماشي في طريق عشوائي..
أنت ماشي في خطة إلهية أكبر من توقعاتك..
وأجمل من كل اللي تخيلته.