زوادة اليوم: هيدا مش وطنك الحقيقي : 8 / 10 / 2025 /

[souad jaalouk]

زوادة اليوم:
هيدا مش وطنك الحقيقي

بيخَبرو عن مُبشِّر كان عايِش بمجاهل أفريقيا، واليوم يَلّي قرَّر فيه يسافِر ع بَلَدو، صادَف ذات اليوم يَلّي راجِع فيه الملك ع مملَكتو من بعد رحلة طويلة، وشاف هالمُبَشِّر كيف كانِت الحاشية ناطرة ع البَرّ عم تِستَقبِل الملِك مع الموسيقى، نِزِل الملك ع سجّادِة مُخمَلِيِّة وكانو أهل المملَكِة عم بيزقّفولو.

القصَّة ما خُلصِت هَون، لـمّا وُصِل المُبَشِّر ع بلادو ونِزِل من السفينة، ما كان في حدا بإستِقبالو، راح عَ بَيتو زعلان، فات ع أوضتو، عاتَب رَبّو هوّي وساجِد قدّام صورة للمصلوب وقَلّو :

«معقول هَيك، ما في حدا عم يستقبِل يلّي عم بيبشِّر فيك بمجاهل أفريقيا، بوقت يَلّي الكِلّ كانو عم بيزقفو للملِك وفرحانين برجوعو؟»

شوي، بيِسمع صوت عم وبيقلّو :

«هيدا الملِك وُصِل عَ بَلَدو، إنتَ بعد ما وصُلِت ع بَلَدَك الحقيقي».

الزوّادة بتقلّي وبتقلَّك :

«كلّ مسيحي هوّي غريب ع هالأرض لأنّو موطنو الحقيقي هوّي السما»
والله معكن.

[Mary Naeem]

شكرا على الزوادة
ربنا يفرح قلبك