|
 |
 |
 |
|
رقم المشاركة : ( 1 )
06 - 10 - 2025, 06:04 PM
|
|||||||||||
|
|||||||||||
|
اية صعبة قوي وقفت قدامها : " اما هو فلم يجبها بكلمة " (مت ١٥ : ٢٣) الاية دي اتقالت في معجزة المرأة الكنعانية لما طلبت من ربنا انه يشفي بنتها .. وقفت حقيقي قدام الاية الصعبة دي .. وسرحت كدة وقلت فيه فترات في حياتنا فعلا مش مفهومة .. فيها ربنا مش بيجاوب علينا بكلمة ... وتوصل لدرجة ان الناس اللي حوالينا تتحايل على ربنا انه يجاوبنا ذي التلاميذ لما صعب عليهم حالة الست دي وكانوا عايزين ربنا يسوع يسمع لها علشان تبطل دوشة .. بس بردو ربنا يصر انه ميجاوبش علينا .. بس لما وصلت لنهاية المعجزة لقيت ان صمت ربنا ده .. والفترة الغير مفهومة اللي سمح بيها كان وراها خطة عظيمة مدبرها في ذهنه للست دي .. وهي مش بس سماع الطلبة و شفاء ابنتها .. لأ ..كمان كان صمته وراه امتحان ايمان ليها .. ولما نجحت فيه طوبها قدام الكل ... كل صمت او فترة في حياتنا غير مفهومة وراها خطة عظيمة بتتدبر في مقاصد ربنا ... ربنا يسوع قال : " ابي يعمل حتى الآن وانا اعمل ..." (يو ٥ : ١٧ ) يعني مفيش وقت فيه ربنا مكتف ايده و بيتفرج علينا .. طول الوقت ايد ربنا شغالة .. يمكن احنا مش شايفين هي شغالة فين وازاي ... بس اكيد شغالة انها ترتب لينا الخير .. وتحمينا .. وتملانا بالفرح لو رجعنا احداث حياتنا .. هنلاقي ده.. هنلاقي ان فيه فترات كنا فاكرين انها فترات تخلي طلعت دي اكتر فترة كنا فيها في ذهن ربنا وبيرتب فيها خطة عظيمة يفاجئنا بيها علشان يفرحنا الفكرة بس اننا ننجح في امتحان الايمان ونثق :. ان وراء كل صمت .. تدبير ووراء كل فترة غير مفهومة .. عمل عظيم في الاحداث وفينا .. وراء صمت ربنا في الامه وصليبه ... قيامة مجيدة 🙏❤️ 
|
|
| قد تكون مهتم بالمواضيع التالية ايضاً |
| الموضوع |
| الامل في ربنا حياة ٣١ .٥ . ٢٠٢٥ |
| الامل في ربنا حياة ١٣. ٥ .٢٠٢٥ |
| الامل في ربنا حياة ٣١ . ٣. ٢٠٢٥ |
| الامل في ربنا حياة ١٥.٣.٢٠٢٥ |
| الامل في ربنا حياة ١٣. ٣ .٢٠٢٥ |
العرض الشجري