صدقني معايا عمرك ما هتغرق

[walaa farouk]

أوقات العاصفة بتخلّي قلبك يدق بسرعة،
الموج يعلى قدامك، والظلام يلف حواليك،
فتفتكر إنك لوحدك ومحدش سامع صرخاتك.
لكن الحقيقة غير كده خالص… أنا موجود،
ماسك فيك بإيدي، ومش هسيبك أبداً.
يمكن الموج يعلو فوق راسك، والريح تزقك يمين وشمال،
لكن حضوري حواليك بيعمل فرق. وجودي مش وعد فاضي،
وجودي هو سندك اللي يخليك تعبر أقوى من الأول.
متخافش من أصوات التهديد ولا من قوة اللي ضدك.
لأن قوتي مش بتتقارن بحد،
وأنا وحدي القادر أرفعك فوق كل موجة وتحس إنك ثابت رغم الهيجان.
أنا اللي أقدر أهدّي العاصفة، لكن قبل ما أهدّيها برا،
لازم أهدّيها جواك.
صدقني… معايا عمرك ما هتغرق

.