|
 |
 |
 |
|
رقم المشاركة : ( 1 )
27 - 09 - 2025, 06:43 AM
|
|||||||||||
|
|||||||||||
 خليك_خادم_واعى زمان كنا فاكرين إن كلمة "احتراق نفسي" تخص الناس في الأربعينات: مسؤوليات شغل بيت عيلة.. لكن الحقيقة إن الجيل اللي في العشرينات بيعيش ضغط أكبر من اللي قبله: دراسة مكثفة..منافسة على كل فرصة.. ضغط السوشيال ميديا اللي بيخليهم دايمًا بيقارنوا نفسهم بالغير. .وكمان توقعات عالية من الأهل والمجتمع.. الخادم الواعي محتاج يفهم إن الشاب اللي قدامه ممكن يبقى "منهك" وهو لسه ما بدأش حياته العملية.. الإنهاك مش لازم يبان في صورة انهيار.. أوقات بيبان في صورة "برود" أو "انعزال" أو حتى "مفيش نفس أعمل حاجة".. دورك مش تزود عليه ضغط روحي جديد بكلام من نوع: "شد حيلك لازم تخدم أكتر".. دورك إنك تبقى مساحة أمان يتعلم فيها معنى التوازن: إن الراحة مش كسل.. إن الوقت اللي يقضيه في هواية أو مع نفسه مش ضايع.. وإن الله مش عايزه يحترق ولكن عايزه يعيش في "راحة أولاد الله". الخادم الواعي لازم يعرف إن جيل العشرينات محتاج يسمع مش بس عن الخدمة.. لكن عن إزاى يعيش من غير ما يحترق.. 
|
|
العرض الشجري