أمان متنكر في هيئة بشر

[walaa farouk]

اختار اللي قلبه يسبق لسانه في الدفاع عنك،
اللي يبررلك من غير ما تطلب،
اللي يشوف الغيم في ملامحك ويخفف عنك قبل ما تحكي.
مش كل الناس عندها الحنية دي،
اللي تلمّك من على الأرض من غير ما تسأل “مالك؟”،
بس علشان قلبك غالي عليهم.
في ناس لما يشوفوك ساكت،
يفهموا إنك بتغرق في أفكارك،
ويجوا يطبطبوا قبل ما تغرق.
دول مش ناس عادية،
دول أمان متنكر في هيئة بشر.
دول اللي تستاهل تحارب الدنيا عشانهم.