أنت محبوب حب ملوش شرط

[walaa farouk]

في لحظات كتير بتقول جواك:
"مفيش حد بيحبني بجد… يمكن أنا مش محبوب أصلاً."
لكن الحقيقة مختلفة خالص…
المسيح حبك وإنت لسه بعيد عنه، وإنت لسه غارق في غلطك.
محبته مش مرتبطة بتصرفاتك… ولا بإنك تستاهل أو ما تستاهلش.
دي محبة ثابتة، قوية، اتبرهنت على الصليب.
الله بيّن، أظهر، أثبت محبته بالفعل…
مش بكلام بس، لكن بدم مسفوك لأجلك.
لو في أي وقت شكيت إنك محبوب…
بص للصليب.
هتلاقي الجواب: "أنت محبوب حب ملوش شرط…
حب لحد الموت."