|
 |
 |
 |
|
رقم المشاركة : ( 1 )
24 - 06 - 2025, 06:01 AM
|
|||||||||||
|
|||||||||||
|
عزيزى_الله الفترة اللي فاتت كنت مسحول جدًا.. اليوم بيبقى تقيل أوى.. كأن اليوم عبارة عن سباق وأنا بجرى فيه.. وبينتهي بإن لسه ورايا حاجات ماخلصتش.. حتى أقرب الناس بدأت أحس إني مش قادر أديهم وقتى.. لحد ما في يوم قلت لصاحبي من التعب: «أنا مسحول ومش هقدر أشوفك قريب».. وعدّى الكلام أو أنا افتكرت إنه عدى.. بعدها بكام يوم لقيت منه رسالة صغيرة جدًا.. قال لى فيها: «أنا صليتلك النهاردة في القداس..صلاة مخصوص.. عشان قلتلى إنك مسحول الفترة دى». الحقيقة؟ أنا دمعت وأنا بقرأ الرسالة دى.. مش بس لأنه افتكرني.. لكن لأن فعلاً اليوم ده كان مختلف.. نفس الزحمة..نفس الضغط.. بس كل حاجة عدّت كأنها بتتزق بنعمة مش مني.. كان اليوم هادى على غير العادة.. كأن حد سندني من ورا الكواليس.. ومن ساعتها بقيت لما أفكر في حد تعبان.. مش بس أبعتله "شد حيلك".. بقوم من مكاني..وأقول اسمه وأنا واقف فى صلاتى.. لأن الحقيقة الصلاة مش مجاملة.. الصلاة فعل حب.. وعُمر فعل الحب ما بيضيع فى الهوا.. حدث_بالفعل 
|
|
العرض الشجري