|
 |
 |
 |
|
رقم المشاركة : ( 1 )
19 - 03 - 2025, 06:05 AM
|
|||||||||||
|
|||||||||||
 تخيل معايا حد يكون شكله مرعب، ضخم يخوف اللي يشوفه، لكن قلبه زي الملاك، وديع وصالح! ده كان حال القديس خريستوفر.. واللي قصته بجد أغرب من الخيال! ياريت كل الناس تعمل شير للقصة العجيبة دي عشان بركة القديس العظيم ده توصل للكل. خريستوفر اتولد في بلاد كانوا زمان بيأكلوا لحم البشر! لكن ربنا كان ليه خطة عظيمة، لأن البلد دي آمنت بالمسيح على إيد القديس متياس الرسول، وأبو خريستوفر وأمه قبلوا الإيمان وعلموه محبة المسيح . كبر خريستوفر وبقى عملاق.. جسمه مارد، لكن قلبه نقي زي الطفل. في يوم، جنود الملك الوثني داكيوس أسروه، لكن المشكلة إنه ماكنش فاهم لغتهم! فطلب من ربنا إنه يديله الموهبة دي، وفعلاً بدأ يتكلم بطلاقة وكأنه واحد منهم . لكن لما شافهم بيعذبوا المسيحيين، ماقدرش يسكت .. فضل يبكتهم على أفعالهم الشريرة، فالقائد ضربه! وهنا قال كلمته الشهيرة: "لولا وصية المسيح اللي بتمنعني من الانتقام ، ماكنتش انت ولا عساكرك قدرتوا تقفوا قدامي!" الكلام ده خوف القائد، فبعت للملك يحكيله عن العملاق ده اللي عنده قوة غريبة . الملك ماضاعش وقت، وبعت 200 جندي عشان يجيبوه. لكن في الطريق حصلت معجزة! الأكل اللي معاهم خلص، فصلّى خريستوفر وربنا بارك في الأكل القليل اللي كان موجود، فشبع الكل! المنظر ده خلاهم يعرفوا إن الإله اللي بيعبده خريستوفر هو الإله الحقيقي، فآمنوا بالمسيح ولما وصلوا أنطاكية ، اتعمدوا كلهم.. لكن الملك لما عرف ، أمر بقطع رؤوسهم ونالوا إكليل الشهادة. أما خريستوفر، فلما شافه الملك انبهر بحجمه ، وحاول يلاطفه ويوعده بحاجات كتير عشان يسجد للأوثان، لكن رد عليه بكل قوة: "أنا لا أعبد إلا المسيح الإله الحي!" هنا الملك غير خطته ، وبعت له نساء شريرات عشان يغروه بالخطيئة، لكنه بكلمة واحدة قدر يحولهم من الخطية للإيمان بالمسيح، وفعلاً آمنوا واستشهدوا على اسم المسيح. الملك جن جنونه، وقال لازم أخلص منه! حطوه في قدر مليان نار، لكن المفاجأة.. النار ما أذتوش! بالعكس، كان بيعظ الناس جوا النار، فآمن بسببه ناس كتير واتقتلوا بسبب إيمانهم. وبعدها، علقوا حجر ضخم في رقبته ورموه في بئر عميقة ، لكن ملاك الرب أنقذه وخرجه سليم! هنا الملك فقد الأمل، وأمر بقطع رأسه، وفعلاً استشهد القديس خريستوفر. . لكنه بقى من أعظم الشهداء والقديسين ، وبركته مع كل اللي يلجأ له لحد النهاردة! بركة صلوات القديس خريستوفر تكون معنا كلنا.. آمين! 
|
|
| قد تكون مهتم بالمواضيع التالية ايضاً |
| الموضوع |
| لو لم يطمئنه الملاك بلمسه كابن الإنسان، فيحرر قلبه من الرعب |
| تصميم| القديس أبو قلته |
| طبيب العيون القديس قلته |
| القديس أبو قلته|تصميم |
| صور القديس(أبا قلته) الطبيب الشهيد |
العرض الشجري