|
 |
 |
 |
|
رقم المشاركة : ( 1 )
26 - 02 - 2025, 10:20 AM
|
|||||||||||
|
|||||||||||
 من تداريب الصوم الكبير درب نفسك على التدريب الروحى ده : اسأل نفسك وانت بتمارس حياتك اليومية : هل الحاجة دى فى مرضاة الله....هل هو موافق عليها.. .لان احيانا بنتصرف بتلقائية الانسان العتيق دون ان ندرى هتعمل تصرف جواه كده ريحة انتقام ... مثلا هتقول كلمتين فيهم تشويه لحد هتلبسى لبس معين ممكن يكون سبب لعثرة حد هتتعامل مع بنت بتزييف فهتنبسط بشوية مشاعر سطحية معاها وانت عارف انك مش مكمل فى سكة ارتباط وهى هتتعلق بيك وهتتوجع بسببك هتدور على الانبساط ايا كان مصدره حتى لوكان مش نقى وطاهر هتركز على نفسك بس ومش هتراعى اللى حواليك هتكبر دماغك من كلمة وعظ فيها رسالة ليك وانت متجاهلها هتغلى جوة قلبك ناحية حد وهتتجاهل اى صوت بيقولك اغفر وسامح وابعد حتى لا تُجرح مرة اخرى متستتقلش اللى انا باقوله ده لانك لو اخدته تدريب فى الصوم خلال ال ٥٢ يوم الباقيين هتتعود عليه وهيبقى تلقائى فيك كمان روح الله هيعينك ويساعدك كمان صلى فى صلاة باكر وقول يارب التجأت اليك فخلصنى وعلمنى ان اصنع مرضاتك ....بنقولها فى المزمور الاخير وفى تسبحة الملائكة عَلِّمْنِي أَنْ أَعْمَلَ رِضَاكَ، لأَنَّكَ أَنْتَ إِلهِي. رُوحُكَ الصَّالِحُ يَهْدِينِي فِي أَرْضٍ مُسْتَوِيَةٍ. (مز ١٤٣ : ١٠) الصوم_الكبير 5 
|
 |
|
العرض العادي
