|
 |
 |
 |
|
رقم المشاركة : ( 1 )
08 - 02 - 2025, 10:07 PM
|
|||||||||||
|
|||||||||||
|
بنمر بأوقات بنكون فيها واقفين في نص الطريق، مش عارفين نكمل ولا نرجع، مش قادرين نحدد الخطوة الجاية💁♂️ قرارات صعبة، اختيارات معقدة، مواقف بتضغط علينا😥 وساعات بنحس إن الدنيا قفلت وإننا لوحدنا في الحيرة دي.. لكن في وسط الضباب، في نور بيوريك الخطوة الجاية💡 كلمة الله مش مجرد كلام بنقراه والسلام، هي نور بجد، بتنور الحتة اللي واقف فيها دلوقتي، بتديك سلام وسط الحيرة، وبتخليك تشوف الطريق من زاوية تانية. يمكن مش لازم تفهم كل حاجة دلوقتي، مش لازم كل الأسئلة يكون ليها إجابات واضحة، لكن اللي أكيد إن الله مش هيسيبك تايه في الضلمة. خليك ماسك في كلمته، لأنه وعدك إنه يكون "سِرَاجٌ لِرِجْلِكَ، وَنُورٌ لِسَبِيلِكَ". يمكن مش شايف غير خطوة واحدة قدامك.. بس لما تثق في النور ده، هتلاقي نفسك بتتحرك بثبات، خطوة ورا خطوة، لحد ما توصل ✨️ "سِرَاجٌ لِرِجْلِي كَلاَمُكَ، وَنُورٌ لِسَبِيلِي." (مزمور ١١٩: ١٠٥) 
|
 |
|
العرض العادي
