مراحل و درجات الزعل

[walaa farouk]

مراحل و درجات الزعل للي يحب يفهم ..

الزعل يبتدي بسيط، ينتظر اللي قدامه يفهمه و يرطب خاطره و يداوي جرحه ..
و عادة الزعل من عدم مداواة الزعل بيبقي اكتر من موضوع الزعل نفسه ..

بعد كده بيبقي زعل الصدمة ، من الاصرار علي استمرار الموضوع بلا حل ..

يليه زعل القهر و الاضطرار لاستمرار الحياة و التعايش مع الزعل و اللي زعلان منه خوفا من انهيار الصداقة او العمل أو الزواج ..

اخيرا مع استمرار الزعل ، فيه حتت بتموت جوه القلب ، و بيفضل علي الحالة دي لغاية ما النفس تذبل من الحزن و تموت نفسيا من الحسرة ..

الدرس للناس : اوعي تسيبوا حد زعلان ، علي قد ما تقدروا اتراضوا و أجبروا خاطر بعض ، و تداووا بالمصالحة و رفع الزعل بأسرع وقت ..

و لنفسك : خفف عن قلبك ، و ما تشيلوش في قلبك ، و فوت للناس ، و ما تصعدش زعلك ، و فضفض زعلك مع حد بيحبك ، و لو ما لقيتش يبقي صفي زعلك مع الله خالق السما و الأرض..