اسف

[walaa farouk]

اسف ....... ايه رائيكم ف كلمة اسف ؟ ....
. كلمة صغيرة صح و مش تقيله ع اللسان ..... بس مرات كتير بتحل مشاكل كبيرة اوي....... كتير مننا متخصمين
و مش بيكلموا بعض بسبب اختلاف ف حاجة صغيرة او مشكله كانت ممكن تتحل بكلمتين او عتاب اتحول ل خناقة او غلطه غير مقصودة او حاجة انا فهمتها غلط و اتصرفت علي اساسها من غير متاكد منها او حاجات تانية كتيييير ........و مع ان العلاقة م بينهم كانت قوية لكن للاسف التعامل م بينهم بقي زي اي اتنين غرب ميعرفوش بعض .....
.. مش بس كده ده ف ناس نفسها ترجع العلاقة تاني بس يا خسارة الذات هي اللي مسيطرة و مش قادر يقول أسف ........
.و حد تاني عنده احساس بالذنب و عاوز يقول اسف بس خايف ان الاعتزاز ميتقبلش ......... بس في حاجة انت مش واخد بالك منها هي ان الدنيا كلها متسويش ساعة واحده تعيشها وسط الناس اللي بتحبهم و بيحبوك .......... لو كنت غلط في حق حد
او كنت انت اللي وصلت العلاقة ل الاسوء اقول اسف .....
. قولها من قلبك .... قولها ل (ربنا)....
. قولها ل لنفسك ......قولها ل مراتك ..... قوليها ل جوزك ...
... قولها ل اخوك او اختك...... قولها ل صديقك ...
. قوليها ل امك ..... قولها لابوك ...... قوليها ل جارتك ..
. قولها ل زميلك .... قوليها لخطيبك ..
... قولها ل حبيبتك (قولها و قوليها لكل الناس اللي بتحبك......
و اوعي تفكر ان اعتزارك هيكون مش مقبول خصوصا مع الناس اللي بتحبك .... بل بالعكس هما بيبقوا منتظرين رجوعك تاني ف اقرب وقت ........ قولها .... قولها قبل م يفوت الاوان و تتمني ان الزمن يرجع تاني و تقولها بدل المرة الف مرة .... لكن للاسف الزمن عمره م بيرجع تاني ..........