إيه الدافع اللي بيحركك

[walaa farouk]

يا ترى إيه الدافع اللي بيحركك؟
الناس ممكن يحركها دوافع كتيرة زي الخوف
، أو الشعور بالذنب، وفيه ناس بيحركها غضبهم،
أو احتياجهم للشعور بالحب، أو رغبتهم في جمع الممتلكات،
وممكن كل ده في نفس الوقت.
الإجابة على السؤال ده مهمة جدًا علشان نقدر نعرف
إيه الهدف من حياتنا.
لما بنسمح للدوافع دي تتحكم فينا وفي اختيارتنا وأفعالنا،
للأسف إحنا بنحط نفسنا جوة تنافس وضغط
مش هايوصلنا غير للفشل والإحباط.
لكن لمّا بنسيب ربنا هو اللي يحركنا،
ولمّا بيكون الدافع هو رضاه وطاعته والحياة في مشيئته،
الموضوع بيختلف وحياتنا بتنور وبنقدر نعيش حياة
ليها معنى وهدف، ببساطة علشان الهدف من الحياة
مش ممكن هانوصله بعيد عن ربنا.
علشان كده نفسي أشجعك أنك تاخد وقت تفكر
وتحاول تحدد إيه الدافع اللي بيحركك؟ 😊