نجاحك حارقهم

[walaa farouk]

أردت أو لم تريد ، تواضعت و كنت ألطف خلق الله ،
قدمت كل الخير و ساعدت الجميع، كنت صاحب اجمل اخلاق ،
فيه ناس بتغير منك و ما بتحبش تشوفك احسن منها ..

الناس دول ممكن يكونوا آخر حد تتوقعه و اقرب ليك مما تتصور
؛ يضحكوا قدامك و بيتكلموا احلي كلام، و من وراك او في قلبهم
مش مستحملين نجاحك اللي مغطي عليهم ..

الناس دول بيسألوا نفسهم دايما هم ليه مش زيك و مش بنفس شطارتك و مواهبك؟؟
و بدل ما يفرحوا لك أو يجتهدوا علشان ينجحوا زيك ،
تلاقيهم يتمنوا يهدوك و يهتوك و يبهدلوا سمعتك ..

تلاقي الناس دول في معارفك و أصحابك، و أحيانا كتير ناس عمرك ما شفتهم ،
يتكلموا عليك في غيابك أو ينتهكوا سيرتك بكلامهم أو كتاباتهم..

اوعي تزعل و لا تضايق و لا تجيب سيرتهم علي لسانك ،
و اوعي تديهم قيمة لان هي دي اللحظة اللي هم مستنينها .
. اوعي ترد عليهم و لا تخش معاهم في معارك كلام ،
ح تديهم قيمة و هم ما لهمش أصلا :
لو كان ليهم كانوا انشغلوا بنجاحهم مش بتحطيم نجاح غيرهم ..

و ما تخافش، كلامهم و سيرتهم و صفحاتهم ح يطويها النسيان:
يوم و لا اتنين بالكتير و ح يتنسوا لان ما حدش عارفهم أصلا، و ح يترموا في مزبلة التاريخ ..

و ما تخافش ربنا ح يسخر لك ناس تدافع عنك من غير ما تدرى..
ريح بالك ، و نام قرير العين ، نارهم ح تحرقهم هم ، و نجاحك انت ح يزيد و يتضاعف ..