|
 |
 |
 |
|
رقم المشاركة : ( 1 )
01 - 01 - 2019, 09:41 PM
|
|||||||||||
|
|||||||||||
 بخصوص بوستات كل سنة .. ان 2019 سنة التعويضات وسنة المفاجأة وسنة وسنة .. حابب اوضح لك حاجة صغيرة ان ارقام السنوات كلها سواء ٢٠١٦ او٢٠١٧ او٢٠١٨ و ٢٠١٩ كلها علي الارض مجرد ارقام .. هل السنة جايالك بحاجة ؟ أبدا .. هل السنة محضرالك مفاجأة ؟ ابدا . . هل السنة محضرالك نصيبة ؟ ابدا برضو غالبا الثقافة دي استمديناها من ترابط اذهاننا ب بابا نويل .. انه جاي يديني هدية . . فبنتخيل السنة دي هي بابا نويل جايالي بهدية .. وأبدا برضو . .. امال ايه ؟ #انت_والسما محور الموضوع .. دي سنة جديدة في حياتك انت اللي بتختار تتقدم وتجعل الظروف اللي حواليك تكون سبب في تشكيلك ولمعانك ولا منتظر من السنين والارقام تحقق لك خيالات في دماغك .. وده مش هايحصل . انت بتقول 2019 جاية بخير ومفاجأت وشايلالي كتير .. و2019 بترد عليك انا مش شايلالك اي حاجة .. الخير جواك انت اللي بايدك تتغير وتوصله . لكن في شئ مهم لمن يسير بحسب مشيئة السماء وليس حسب احلامه وخيالاته وتطلعاته . . يوجد شئ في الزمن اسمه #ازمنة_السماء او #توقيتات_السماء .. وده معناه ان كل وقت ليه زمن مختلف ومرحلة مختلفة .. يعني مثلا في زمن ايليا كان فيه زمن الامطار وزمن الجفاف وزمن انتظار المطر .. وفي زمن يوسف كان فيه زمن الاعداد والتشكيل وزمن المجاعة وزمن الانطلاق وزمن الرحب وزمن الشبع . . ومن خلال علاقتك بربنا والتصاقك بالصلاة وبكلمته هايوضح ليك جواك ايه الزمن ده وعلاقته بحياتك ... يبقي خلينا نتفق علي قاعدة علي الارض : ٢٠١٨ و٢٠١٩ و٢٠٢٥ كلها مجرد ارقام مش هاتفيدك وماتنتظرش منها شئ . في السما : كل رقم من دول فيه مشيئة مختلفة من السما لحياتك .. بايدك تقرب وتعرفها وتسير فيها وبايدك تنشغل بالاحداث والهموم وبذاتك وتكون هي في وادي وانت في وادي . يارب تكون اقرب ليسوع نور السما في 2019 وينورلك الزمن ده ايه بالنسبة لحياتك . كل سنة واحنا علي صلة بنور السما . . وبنجتهد ان تكون عينينا علي السحابة اللي هانسير وراها خطوة بخطوة . . لتكون حاملين تابوت العهد (حضور الله) وبقرب قدس الاقداس . 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| كل يوم وعد 2019/10/14 |
| كل يوم وعد 2019/8/28 |
| كل يوم وعد 2019/5/29 |
| كل يوم وعد 2019/3/28 |
| كل يوم وعد 2019/2/12 |
العرض الشجري