نفسى انت بس اللى تحس بيا

[روشا الفرفوشه]

نفسى انت بس اللى تحس بيا
ولما أكون زعلانه ألاقى رساله منك
بتقولى فيها : أنتى كويسه !!!
وأرد عليك بإيموشن بيعبط وأقولك : آه بس واااحشنى أوووووى (

عايزاك تفهم ان حاجات صغيره اوى ممكن تفرحنى،
لو جبتلى مصاصا احتمال أقوم اتنطط وأبوسك من خدك
ولما نخرج مش لازم تودينى مطعم كبـيــر وتدفع كل اللى حيلتك
وممكن
فلوسك ما تكفيش ونغسل صحون أنا وأنت :/
كفايه تجيبلى غزل البنات
بس بشرط
تشتريلى بالونه كبيره .. ماللى بتشخشخ وفيها رز

وخايفه ما تفهمش ده كله
ولما تلاقينى طفله كبيره .. ما تحبنيش
مرعووووبه لتفتكر إنى سهله
عشان المفروض أعذبك وأخليك تدفع دم قلبك فى خروجات وفُسح
ودباديب وهدوم ،،
بس أنا سهله كده لأنى هراعى ربنا فيــك

بس عارف لو عينك زاااغت !! ولا فكرت تبص على حد
هقتلك واقطعك وارمى كل حته منك فى بير
أصلى فى الشر شرانيه

ها بقى يا محيرنى ، ناوى تبقى فاهمنى
ولا أرمى نفسى من عالسرير ..
وأنتحر !!