|
 |
 |
 |
|
رقم المشاركة : ( 1 )
21 - 01 - 2017, 04:30 PM
|
|||||||||||
|
|||||||||||
|
زمان وقت أهالينا وجدودنا كان ممكن أتفهم فكرة ان الست تبقى ستوتة هنومة ملهاش فحاجة.. لا تعرف شوارع ولا طرق ولا تعرف تسوق عربية ولا تشتري ولا تتصرف في المواقف ولا تبقى حِركة وشاطرة ونشيطة .. يعني من الاخر تبقى معتمدة إعتماد كلي وجزئي على جوزها... ريتم الحياة كان مختلف والتطلعات كانت مختلفة واليوم كان هادي وطويل... إنما دلوقتي صعب جداااا تبقي الزوجة دي! لا الظروف الحياتية السريعة اللي احنا فيها ولا الضغوط المادية والجسدية والوقتية اللي الراجل بقى فيها ينفع معاها الزوجة الأنتوخة الغلبانة اللي تحطها جنب الحيط وتيجي تاخدها كمان شوية! محدش قال تبقي معتمدة تماماً على نفسك وجوزك هو اللي يأنتخ طبعا .. لأن الراجل (السوي) عامة بيحب يحس بإحتياج المرأة له... لكن الزوجة اللي بتغرق في شبر ميه وبتعطل مع كل مشكلة وكل دقيقة تكلم جوزها تقوله "الحقني...اعمل ايه؟" دي بتبقى بعد شوية عبأ على جوزها وبيزهق منها! انتي بقيتي متوقع منك تلعبي مع جوزك ادوار اكتر بكتيررر جدا من أيام مامتك وجدتك.. دور الزوجة والأم والصديقة والأخت والإبنة والحبيبة والسكرتيرة وال biggest fan والمستشارة والمنبه والمكوجي والدكتورة وال co-pilot والطباخة المتطورة والغسالة وصاحبه اللي قاعد معاه على القهوة وزميله وزميلته في الشغل (الاتنين مع بعض) والفاشون ديزاينر البرنس بتاعه والمحلل النفسي والمصلح الإجتماعي والمربية كمان إذا لزم الأمر !! بالتالي لازم تبقي شاطرة وعندك سرعة بديهة وتبقى إيدك فإيده كده ويقدر يعتمد عليكي وهو مطمن ان الدنيا هتمشي... ولو ماتعودتيش تبقي جدعة اتعلمي مفيهاش اي حاجة! ماتبقيش انتي الكلبش اللي بيعطلوا ويرجعوا لورا يا حسنية ملحوظة لحسنيه : الكلام اللي فوق ده لا يعني إطلاقااااا إنك تتحولي لإنسان الغاب وتبقي زيك زي جوزك...ابسلوتلي!! الوسط حلو فكل حاجة.. هتفضلي محافظة على أنوثتك وإعتمادك عليه في أمور كتير لأنه هو الراجل في الاخر.. المقصود تساعديه متبقيش عالة عليه بس 
|
| أدوات الموضوع | |
| انواع عرض الموضوع | |
|
العرض الشجري