٧ علامات للقلب الحنين

[walaa farouk]

مفيش صِفة فى الإنسان أجمل من الحنيَّة..

١- الحنين يقدر يخليك تطمن وتحبّه وتحبّ وجوده جنبك
بدون أي مجهود : دافىء المشاعر ، جميل المعشر ،
رقيق الاحساس ، سريع التجاوب ..

٢-الحنين يختار كلامه بعناية ،
فلا يترك فى أحد جروح و ندبات قد تدوم سنين ..

٣-الحنين لو مجرد شعر انه جرح حد ،
ما يسيبوش يعانى و هو يكتم ألمه
و هو مستنى كلمة ترطب قلبه ،
و ما يسيبوش يبات زعلان
، بل بأسرع ما يمكن يحنو عليه و يجبر خاطره ..

٤-الحنين يبادر و يسأل علي أهله و حبايبه و قرايبه و أصدقاؤه ،
و يشعرهم بحبه و اهتمامه ، حتى لو هم ما سألوش عليه ..

٥-الحنين يحس بالناس و يحط نفسه مكانهم ،
و يفكر فى ما يفرح قلبهم قبل ما يطلبوا ..

٦-الحنين يكرم و يكبر الصغير قبل الكبير ،
و يدي لكل واحد مقامه ، و يشعر كل واحد بقيمته ..

٧-الحنين من كتر لطفه ، حتى فى خِصامه
أو اختلافه ، رقيق ، لا يقاطع أو يهجر أو يعاقب ..