إنت مرئي للسماء حتى في أكثر لحظاتك صمتًا

[walaa farouk]

كان فاكر إن "التينة" مجرد لحظة خاصة…
مكان بيقف فيه مع نفسه،
وأسئلة كتير جواه مابيلقيهاش إجابة.😔
مكان ماكانش ينفع حد يدخله… ولا حتى أقرب الناس ليه.

لكن يسوع دخل المشهد بكلمة كسرت الحاجز كله:
«وَأَنْتَ تَحْتَ التِّينَةِ رَأَيْتُكَ.» ✨

مش بس شافه…
شاف عمق اللحظة اللي محدش كان يعرف عنها حاجة.
شاف القلب قبل ما ينطق،
الشك اللي كان مخبيه،

يسوع ما قالهوش: “سمعتك.”
ولا قال: “عرفت أنك هناك.”
لكن قال: “رأيتك”
وكأن المسيح كان بيقوله:
أنا شايفك في الأماكن اللي أنت فاكر إنك مختفي فيها…💜
شايف صراعاتك اللي بتعدي عليها..
شايف جهادك اللي ماحدش بيقدّره…
شايف صلواتك اللي مابتطلعش بصوت…
شايف انتظارك اللي طال… ومفيش حد فاهمه.

هو الإله اللي يسبق خطواتك…✨
والرؤية اللي توصل لقلبك قبل ما لسانك يطلب.
إنت مرئي للسماء، حتى في أكثر لحظاتك صمتًا