اتعلم تحارب مش بإيدك

[walaa farouk]

أقوى معركة في حياة أي إنسان مش بالسلاح، ولا بالكلام،
دي معركة صامتة… بيخوضها كل يوم جوا دماغه.
اللي بيحارب الناس بيواجههم،
لكن اللي بيحارب أفكاره… بيواجه نفسه.
والنفس لما تتمرد، بتكسر أقسى من أي عدو خارجي.
أفكارك ممكن ترفعك للسما،
وممكن تسجنك جواك…
أفكارك هي اللي بتقرر تبنيك ولا تهدّك.
الخوف مش من صوت الناس،
الخوف من الصوت اللي جواك،
اللي كل شوية يقولك: “مش هتقدر”
“مش كفاية”
“كل حاجة هتفشل”.
المحارب الحقيقي مش اللي بيكسب معركة…
المحارب الحقيقي هو اللي بيعدّي يوم كامل وهو في سلام مع أفكاره.
فكّر بإيمان،
رد على الشك بجملة واحدة: “ربنا معايا”،
واجري من القلق زي ما تهرب من النار.
كل فكرة سلبية بتجيلك،
هي محاولة من العدو إنه يوقفك عن اللي ربنا مجهّزه ليك.
اتعلم تحارب… مش بإيدك،
لكن بعقلك وقلبك وإيمانك.