إديني حكمة في لساني وقلب نقي

[walaa farouk]

يا رب، علّمني إزاي أقول الحق من غير ما أجرح
… إزاي أوصل الكلام بروح المحبة،
من غير ما أسيء لحد أو أهوّن من قيمته.

إديني حكمة في لساني، وقلب نقي يخليني أختار كلماتي بعناية،
عشان تبقى الحقائق اللي بقولها بتبني مش بتهد،
وبتقرّب القلوب مش تبعدها.

علّمني يا رب إن المحبة والصدق مش بيتعارضوا،
لكن بيكملوا بعض… وإن الكلمة الطيبة وهي صادقة،
ليها قوة تغيّر حياة.