يا عدرا صيامك فرّحي بيه كل قلب مستني

[walaa farouk]

يا عدرا صيامك،
فرّحي بيه كل قلب مستني، كل نفس تعبانة ومتشبثة بيكي،
كل اللي رافع عينيه ليكي ومعلق رجاءه في شفاعتك.
اللي بيطلبك في السِر، واللي ساكت من كتر الوجع،
واللي بيسند نفسه على إنك مش بتخذي اللي طلبك،
اعبري بكل بيت محتاجك،
وخلّي صيامك يبقى باب تعزية،
وجبر خاطر، وشفا، ورجعة من بعيد.
خلّي كل واحد عشمان فيكي يفرح يا أم النور.
زي ما فرّحتي قلوب كتير قبل كده… كمّلي معروفك 🙏🏼
واتشفعيلنا