خلّي سكوتك احترام لنفسك

[walaa farouk]

في ناس مهما شرحت، هيفضلوا يشكّوا فيك…
مش لأنك غلطت، بس لأن نيتهم مش صافية من الأول.
اللي بيدوّر على الغلط، هيشوفه حتى في أحسن تصرف.
واللي فعلاً بيحبك… مش هيحتاج تبرير، هيحس بيك من نظرة،
من سكوتك، من تصرف بسيط.
علشان كده:
ما تهدرش طاقتك في شرح نفسك لحد مش ناوي يفهمك…
ولا تبرر للي قرر يشوفك غلط.
خلّي سكوتك احترام لنفسك،
وخطوتك الجاية تكون فيها راحة وكرامة.
محدش يستاهل تاخد من وقتك ومجهودك
علشان تثبت له حاجه هو أصلاً مش عايز يصدقها.
ربنا شايف، وده كفاية.
وسوء الظن بيرجع على صاحبه،
وانت كمل في طريقك من غير ما تلتفت…
لإن اللي يعرفك، مش هيحتاج شرح.
واللي يجهلك؟ مش مستاهل تفسّرله.