وسط الألم يسوع معاك هناك وبيحضر لك فجر جديد

[walaa farouk]

لو بتمر بوقت صعب ومش قادر تتحمله… افتكر الحاجات دي:
1️⃣ هو قال: "تعالوا إليّ يا جميع المتعبين والثقيلي الأحمال، وأنا أريحكم" (متى 11:28).
ماتحاولش تشيل لوحدك، هو فاهم وجعك حتى لو مش عارف تحكي.
2️⃣ يسوع حاسس بيك
"لكن أحزاننا حملها، وأوجاعنا تحملها" (إشعياء 53:4).
هو مر بالخيانة، الفقد، والوحدة… مش بس عارف، لكنه عايز يعزيك ويشفيك.
3️⃣ اتمسك بوعده حتى لو مش فاهم خطته
"كل الأشياء تعمل معًا للخير للذين يحبون الله" (رومية 8:28).
حتى لو مش شايف الحكمة دلوقتي، ثق إنه بيشتغل في قصتك.
4️⃣ ماتعزلش نفسك، خليك جنب المؤمنين
"احملوا بعضكم أثقال بعض" (غلاطية 6:2).
كلم حد تثق فيه، خلي حد يصلي معاك، ومتواجهش لوحدك.
5️⃣ سبّح وسط الألم
التسبيح سلاح ضد الحزن، حتى بولس وسيلا سبحوا في السجن، والأبواب اتفتحت (أعمال 16).
6️⃣ استنى تعزية الله ليك
"أمسك بك بيمين بري" (إشعياء 41:10).
الألم مش النهاية..
وسط الألم يسوع معاك، هناك … وبيحضر لك فجر جديد!

[Jesus follower]

مشاركة فى منتهى الروعه والجمال...شكراااا....الرب يباركك��âœ‌ï¸ڈ��âœ‌ï¸ڈ��âœ‌ï¸ڈ��âœ‌ï¸ڈ