|
 |
 |
 |
|
رقم المشاركة : ( 1 )
20 - 06 - 2025, 01:13 PM
|
|||||||||||
|
|||||||||||
|
يعنى يارب ابيع كل اللى حيلتى وفى الأخر اتشل .. 🥺 اسامه عامل بناء سافر الخليج ، عنده ولدين ، فى اول يوم شغل له وقع من الدور ال ١٠ على ضهره ، واتصاب بشلل رباعى .. رجع بلده وهو لا حول له ولا قوه .. شبكة مراته وقيراط الارض اللى حيلته باعه عشان يسافر ويعمل قرشين لكن القدر كان اقوى منه .. حالته النفسيه كانت صفر ، جاله اكتئاب حاد ، مش عارف يعمل ايه ولا طايل يرجع اللى فات ولا قادر يقوم يحاول من جديد .. وفى يوم جاله واحد صاحبه يزوره ، وكان معاه ورقه وقلم قاله يا اسامه قولى اى طلبه انت عاوزها من ربنا وانا هاكتبها فى الورقه وبكره هانصلى فى اجتماع كبير وهانذكر طلبتك .. اسامه قاله مش عاوز حاجه انا تعبت خالص انا ليا اكتر من سنه راقد ومافيش حاجه جايبه نتيجه .. ربنا لو عاوز يساعدنى ماكنش حصل ده كله من الاول اصلا... الراجل قاله ربنا دايما بيسمعنا وبيسمح بالتجارب لينا عشان ناخد بركه .. قاله واللى انا فيه ده بركه؟؟ عيالى اللى مش قادر اصرف عليهم وعايش على إحسان الناس ده بركه ؟؟ قلة حيلتى وعجزى بعد ما كان حالى ميسور ده بركه ؟؟ طيب لما انا هايحصلى فيا ده كله سمحلى ليه من الاول انى اسافر كان يقدر يمنعنى الراجل رد عليه قاله يا اسامه مانت اللى كنت عاوز تسافر ودفعت كل اللى معاك عشان تسافر . مش كل حاجه نرميها على ربنا .. رد اسامه وقاله وهو مش ضابط الكل ؟؟ يا اسامه احمد ربنا انك عايش ولسه الامل موجود انك تخف ربنا مراحمه واسعه .. سكت اسامه وهو بيبكى ومش قادر حتى يمسح دموع عينيه .. قام صاحبه طبطب عليه وقاله انا هاكتبلك فى الورقه طلبه بالنيابه عنك .. وعدى حوالى ٤ شهور .. ويوم ٢٠ مايو لسنة ٢٠١٤ ، مرات اسامه سمعت من جارتها ان فى دكتور مصرى جاى من بره مصر وهايستقبل كشوفات فى المستشفى وحجزتلها ... كشف الدكتور على اسامه وقرر انه هايعمله عمليه ممكن ترجعه يتحرك بس طبعا مش زى الاول لكن مع العلاج الطبيعى هايتحسن .. يوم ٢ يونيو اسامه عمل العمليه ونجحت وبدا يتحرك فعلا .. جه صاحب اسامه يزوره ويباركله .. قاله مش قولتلك ربنا مراحمه واسعه 😉 اسامه قاله انت كتبت ايه فى الورقه ؟؟ قاله كتبت " ابنك فى ضيقه شديده وهو اضعف من انه يتحملها اسرع وانجده " قوه الصلاه يا اسامه تقدر تصنع المستحيل ،ماتستهونش بالكلام اللى فى الصلاه ، ده ابواب السما بتكون مفتوحه وقوات سمائيه بتحمل رسايل الشعب لربنا ، صلى دايما وماتملش ، طول مافيك نفس صلى لغايه ما المشكله تتحل ، صلى بلجاجه قويه ، افضل لح على ربنا لغايه ما مشاكلك تتحل وثق ان ربنا سامعك وحاسس بيك .. 
|
|
العرض الشجري