قلبك هو اللى هيفرق

[walaa farouk]

أوقات بنحكم على الناس بالمظاهر،
زي ما شاول كان الملك المثالي في نظر الناس، طويل وجميل،
لكنه مكانش بحسب قلب ربنا.
لما ربنا قرر يختار ملك جديد، بعت صموئيل لبيت يسى
علشان يمسح واحد من ولاده ملكًا.
أول ما صموئيل شاف أليآب، الأخ الكبير، افتكر إنه هو الملك المختار،
لكن ربنا قاله الآية اللي لازم نحطها قدام عنينا دايمًا:
“لِأَنَّهُ لَيْسَ كَمَا يَنْظُرُ ٱلْإِنْسَانُ، لِأَنَّ ٱلْإِنْسَانَ يَنْظُرُ إِلَى ٱلْعَيْنَيْنِ،
وَأَمَّا ٱلرَّبُّ فَيَنْظُرُ إِلَى ٱلْقَلْبِ” (1 صموئيل 16: 7).
الناس استغربوا.. إزاي ربنا يختار داود، الراعي الصغير اللي محدش كان عامل حسابه؟
لكن ربنا كان شايف حاجة أعظم في داود.. قلبه!
💡 إيه الرسالة لينا؟
👈 ممكن الناس تقلل من قيمتك، بس لو قلبك بحسب قلب ربنا،
هو اللي هيقيمك وهيستخدمك في أمور عظيمة.
👈 النجاح مش في الشكل أو القوة،
لكن في قلب مليان بإيمان وثقة في إله بيختار بعيون مختلفة عن العالم.
👈 وقت ما تحس إنك مش كفاية، افتكر إن داود كان مجرد راعي،
لكن ربنا شاف فيه ملك!
ثق إن اختيار ربنا ليك دايمًا هو الأفضل،
حتى لو العالم مش شايف كده! ✨