|
 |
 |
 |
|
رقم المشاركة : ( 1 )
اليوم, 01:27 PM
|
|||||||||||
|
|||||||||||
 اسكتش الخليقة بداية الخليقة : فى بداية قصة الخليقة نرى اعمال الرب العظيمة التى من خلالها نؤمن انه قادر على كل شئ الاسكتش مناسب اكثر لمراحل الابتدائية وعلى المخدوم معرفة ايام الخليقة من خلال الاسكتش طبعا كلنا عارفين الخليقة هى بداية كل شئ وطبعا كانت الارض كلها مظلمة لا يوجد فيها اى شئ وكان العالم كله المياه تغطيه وخلق الله النور والظلمة وفصل بين المياه واليابسة وخلق الطيور والحيوانات والنباتات وخلق الانسان .. يبدأ الاسكتش شخصين شيكو وريكو شيكو : ازيك يا ريكو فينك مش باين عامل ايه ريكو : انا كويس يا شيكو بس كنت تعبان شويه شيكو : الف سلامة يا ريكو انت كويس دلوقت ريكو : ايوه نشكر ربنا انا كويس خالص دلوقت شيكو : انا كنت جاى عشان نسمع قصة النهاردة من الكتاب المقدس ونشوف هنروح رحلة فين ريكو : ايوه صح نهارده هنشوف هنروح فين فى الكتاب المقدس تعال نشوف الجهاز بتاعنا هيودينا فين يأتى شيكو وريكو عند جهاز شبه اللابتوب براس تتحرك وجسم انسان ويضغط عليه ويفتحه ويسمع صوت من الداخل الجهاز كوكو : اهلا شيكو ريكو اهلا شيكو ريكو شيكو : عايزين نروح الرحلة بتاعت نهارده الجهاز : رحلة النهارده الخليقة الخليقة شيكو ريكو : يلا بينا علطلول يلا بينا يخرج شيكو وريكو من المسرح بحديث من داخل الستارة صوت مع موسيقى بسيطة فى البدء خلق الله السموات والارض يخرج شيكو وريكو ايه المكان ده يا كوكو الجهاز كوكو : احنا احنا مش عارف مفيش تاريخ خالص بس باين كدا ده كوكب الارض فى البداية خالص يسمع صوت مره تانى وقال الله ليكن نور شيكو : ايه ده الدنيا نورت ازاى شوفت يا ريكو ريكو : ايوه الله اى الحجات الحلوه دى الجهاز كوكو : ده ربنا خلق النور والملايكه وكل حاجه هنا يسمع صوت تانى من جو ه ودعا الله الجلد سماء شيكو : الله اى السما اللى ظهرت حلوه خالص ده ربنا عظيم بيخلق حاجات حلوه احنا مكناش ناخد بالنا منها خالص ريكو : ايوه صح شايف السما حلوه ازاى الجهاز كوكو : ده اليوم الثانى ربنا خلق السماء يسمع الصوت لتجتمع المياه تحت السماء فى مكان واحد ولتظهر اليابسة ولتنبت الارض عشبا وبقلا وشجرا شيكو : ايه الحلو ده الله شوف كدا يا ريكو ايه ده ريكو : اه الله ده المياه اتجمعت فى مكان واحد لوحده وظهرت الارض يابسة وشوف كمان ده يا شيكو شيكو : ايوه وشايف اشجار كتير طلعت هناك ونباتات حلوه خالص وشجر تفاح وموز وعنب وفواكه كتير وحاجات كتير خالص خالص الجهاز كوكو : ده اليوم الثالث ربنا جمع المياه اللى كانت مغطية الارض وعملها بحار وانهار وخلى اليابسة ظاهره شايفين يا اولاد ربنا حلو ازاى وبيحب النظام وكمان خلق الاشجار والنباتات والزهور وكل الفواكه الحلوه دى واشجارها شايفين حلوه ازاى شيكو : ايوه جميلة خالص تعال نشوف ايه اللى هناك ده يسمع الصوت تانى لتكن انوار فى جلد السماء لتفصل بين النهار والليل فعمل الله النورين العظيمين النور الاكبر لحكم النهار والنور الاصغر لحكم الليل والنجوم الجهاز كوكو : شايفيين يا اصحابى ربنا خلق ايه دلوقت خلق الشمس والقمر عشان الشمس تدفينا فى النهار وتنور الارض كلها وباليل نشوف القمر والنجوم شيكو : ايوه صح حاجات جميلة خالص خالص انا بحبها جدا عشان بتنور البيت عندنا الصبح واشوف النجوم باليل والقمر باليل شكلهم حلو خالص ريكو : انا كمان مبسوط اوى انى شوفت اليوم الحلو ده شايف يا ريكو الشمس حلوه ازاى ومنوره الارض كلها ازاى ربنا حلو ازاى انه يخلق حاجات تفيدنا كتير الجهاز كوكو : ايوه ربنا خلق اليوم ده الشمس والقمر والنجوم وده اليوم الرابع فى الخليقة يسمع صوت تانى لتفض المياه زحافات ذات نفس حية ليطر طير فوق الارض على وجه جلد السماء اثمرى واكثرى واملاءى المياه فى البحار وليكثر الطير على الارض شيكو : بص يا ريكو شايف فى السماء ايه ده ريكو : ايوه ده الطيور كتير خالص خالص خالص وعصافير والهدهد هناك اهو والغراب وحاجات كتير هناك فوق الاشجار كمان شيكو : وبص هناك فى البحر هناك اسماك كتير عما تلعب وتفط لفوق ده حاجات حلوه خالص الجهاز كوكو : ايوه يا اولادى ربنا فى اليوم ده خلق الطيور والاسماك وحاجات كتير خالص جدا ده طبعا يا اولادى اليوم الخامس يسمع صوت مرة تانى لتخرج الارض ذوات انفس حية كجنسها بهائم ودبابات ووحوش ارض كأجناسها . نعمل الانسان على صورتنا كشبهنا شيكو : شايف يا ريكو الحيوانات الكبيره اللى هناك الاسد والدب والزرافة الكبيره والفيل اهو هناك حيوانات كتير خالص خالص ريكو : ايوه يا شيكو وكمان شايف مين هناك يا ريكو ده انسان شبهنا بالظبط ياترى مين ده اللى هناك الجهاز كوكو: ايوه ربنا اليوم ده خلق الحيوانات كلها وكمان خلق الإنسان زى ما انتوا عارفين ربنا فى اليوم السادس خلق ابونا ادم وامنا حواء شيكو : ايوه صح ربنا خلق الإنسان فى اليوم السادس زى ما شايفين ابونا ادم اول واحد فى العالم اتخلق من البشر ربنا عظيم خالص يسمع الصوت من داخل وفرغ الله فى اليوم السابع من عمله الذى عمل فاستراح فى اليوم السابع من جميع عمله الذى عمل الجهاز كوكو : شايفين يا اولادى ربنا فى اليوم السابع استراح من عمله عشان يعلمنا ازاى ناخد راحه واليوم الراحه نستريح فيه وكمان لازم نصلى ونروح الكنيسة ونروح مدارس الاحد ونبقى اولاد كويسين خالص شيكو وريكو : ايوه صح لازم نبقى كويسين ونسمع الكلام ونروح الكنيسة ونصلى ونسمع الكلام فى الكنيسة الجهاز كوكو : يلا بينا يا اولادى خلاص خلصنا رحلة النهارده يلا بينا باااى باااى فى نهاية الاسكتش اوقصة الخليقة علي كل خادم ان يوضح الاختلاف بين كل يوم وما هى ايام الخليقة التى ظهرت فى الاسكتش من خلال رسومات توضيحية للقصة ومن خلال اعمال فنية تكون جذابة مع الاسكتش يقوم بعملها المخدوم حيث يقوم بتوضيح الاختلاف فى كل يوم من هذه الايام وماذا فعل الله فى اليوم السابع وماذا يعنى لها هذا اليوم فى ايامنا هذه يجب علينا التوضيح فى خليقة الانسان وانه فى اليوم السادس جهز له الرب كل شئ ليكون على اكمل وجه والرب يكمل العمل فى كل شئ 
|
 |
|
| قد تكون مهتم بالمواضيع التالية ايضاً |
| الموضوع |
| آدم هو رأس الخليقة الأولى؛ صورة للمسيح رأس الخليقة الجديدة |
| لاتخضع لعدو الخليقة فأنت سيد الخليقة |
| اسكتش بريك |
| اسكتش ذنب مين |
| اسكتش بنت العمدة(اسكتش لمدارس الاحد) |
العرض العادي
