|
 |
 |
 |
|
|
|
رقم المشاركة : ( 1 )
11 - 11 - 2024, 06:51 PM
|
|||||||||||
|
|||||||||||
 الشىء ده ممكن يكون حلم لناس تانيه انهارده الصبح وانا رايح الشغل اجرة الميكروباص كانت ٣.٥ فا فى طفل ركب رايح المدرسه دفع خمسه , السواق قاله معاك نص جنيه وتاخد اتنين الولد قاله لا ، فا رجعله جنيه وقاله يبقالك نص جنيه .. الولد بكل تلقائيه قاله طيب ممكن تدينى ورقه بالنص جنيه دى عشان وانا راجع من المدرسه ماحدش بيرضى ياخد منى ٣ جنيه وانا ماما مديانى٧ جنيه بالظبط عشان المواصلات .. راح السواق ضحك وقاله خليها تبحبحها شويه تديلك ١٠ جنيه .. هنا الناس كلها بقى هاجت فيه وكله زعق فى السواق ... الولد قاله انا والدى متوفى وامى عاجزه وعايشين بمعاش ابويا... الناس تعاطفت جدا مع الولد وفى ناس حاولت معاه ياخد فلوس واللى حاول يدفعله وبصراحه الولد كان عنده عزة نفس عظيمه جدا ورفض ياخد قرش من حد ... الخلاصه اللى عاوز اقولها .. الشىء البسيط اللى بالنسبالك وانت معتاد عليه وشايف نفسك مظلوم وسط الناس وربنا ناسيك ... الشىء ده ممكن يكون حلم لناس تانيه فاشكر ربنا . 
|
 |
|
العرض المتطور