زمن المعجزات منتهاااااش مثلث الرحمات الأنبا كاراس

[Mary Naeem]

زمن المعجزات منتهاااااش
مثلث الرحمات الأنبا كاراس



حبيبى الغالي مثلث الرحمات الأنبا كاراس ، كلمة صدق بقولها من قلبى وانت تعلم كل شىء عنى ، أول زيارة لكنيستنا وأول معجزة ليك معايا وبعض من الآباء الموقرين على علم بها ، وانا بسلم على قداستكم لمست فى أبويا القمص سيرافيم المحرقى التواضع والسلام والمحبه وقلت لى اسمك ايه يا "رخم" فقلت معاك ابنك ملاك صلى لى أن ربنا ينعم عليا أنا بقالى ١٩ سنة متزوج ولسه إرادة ربنا لم تنفذ بس هو سماح من ربنا ويرزقني في الوقت المناسب واعلم أن كل شئ تحت السماء وقت ويأست من كلام وعلاج الدكاترة ، وفعلا جاء الوقت علي يدي سيدنا فقام سيدنا صلى لى وقالى ربنا هيرزقك بولد وهتسميه كاراس وهعمده كمان ،ثم بعدها سيم أسقفا باسم الانبا كاراس ، وبصلاة نيافته النبوءة تحققت ، وبعد ثلاثة أشهر من الحمل لزوجتى ، أخبرنى بعض الدكاترة بضرورة عمل تحليل للتأكد من عدم تشوه الجنين ، كان سعره مستعجل بعد اسبوع ٦٠٠٠ جنيه أما بعد ثلاثة أسابيع ٤٠٠٠ جنيه ، اتصلت بسيدنا وحكيت له قالى مفيش حاجه دول بيضحكوا عليك بس روح اطمن واعمله بعد ثلاثة أسابيع عشان شايفك قلقان ، ثم ظهرت نتيجة التحليل ليلة عيد الغطاس ، فاتصلت على نيافته قالى طمنى يا حبيبى عملت ايه قلت له الحمدلله يا سيدنا بصلواتك لرب المجد وام النور العذراء مريم التحليل طلع مفيهوش حاجه فقالى طب روح صلى العيد وافرح انت وأم كاراس بقى ، والحمد لله المعجزة تحققت ، حقيقى يا أبى كنت ملاك من السماء على الأرض ، أنا عارف انى طولت عليكم بس لازم أوفى لأبويا القديس حقه .
اذكرنى يا سيدنا الحبيب أمام عرش النعمة .
ولسه المعجزات والحكايات كتييير 🙏💖👑