|
 |
 |
 |
|
|
|
رقم المشاركة : ( 1 )
اليوم, 05:55 PM
|
|||||||||||
|
|||||||||||
 عزيزي_الله واقف قدامك دلوقتي وقلبي مليان حيرة ووجع.. حاسس إن حتة من روحي مجروحة.. الدنيا حواليا بقت زي عاصفة شديدة.. مفيش حاجة واضحة..مفيش استقرار.. وكل ما أحاول ألاقي طريق..بحس إني تايه أكتر.. يا رب إنت الوحيد اللي شايف اللي جوايا.. اللي فاهم كل الأفكار المتلخبطة.. فاهم إزاي دموعي بتنزل من غير ما حد يحس.. وإزاي ساعات بحس إن مفيش كلام ممكن يشرح اللي حاسس بيه.. حاسس إن جوايا جروح مش قادر أفسرها.. بس وجودها ملياني ضيق وقلق.. إنت الوحيد اللي لما أحكيلك..مش بتسألني "ليه؟" أو "إزاي؟".. إنت بتسمعني من غير ما أحتاج أشرح.. بتفهمني من غير كلام..وتطبطب عليّا زي ما مفيش حد في الدنيا يقدر.. كل ما أجي لك وأنا مكسور..بحس إني قدامك مش محتاج أخبي حاجة.. لأنك بتاخد كل حاجة موجعة جوايا وتطمني.. إنت يا رب اللي بتهديني وأنا وسط العاصفة.. رغم كل الأصوات اللي بتصرخ في دماغي.. إنت اللي بتيجي بصوت هادي وتقولي: "أنا معاك ما تخافش".. إنت اللي بتنور لي الطريق لما الدنيا تبقى ضلمة.. وبتساعدني اخد قرارات صح وأنا تايه وسط كل الفوضى.. يا رب علّمني إزاي أثق فيك أكتر.. إزاي أسيب كل حاجة جوايا بين إيديك.. حتى الحاجات اللي بخاف منها.. وتخلي قلبي يرتاح بعد ما كان مليان خوف.. يا رب مفيش حد زيك بيعرف يحتوي قلبي المكسور.. ويمسك إيدي وأنا ضعيف ويقولي: "اطمّن أنا دايمًا هنا".. أمين♥️ 
|
 |
|
| قد تكون مهتم بالمواضيع التالية ايضاً |
| الموضوع |
| الألم يسكن قلبي المكسور |
| هو قريب اوي من قلبي المكسور |
| بقدم قلبي المكسور ليك يارب |
| قلبي المكسور في ايديك |
| احضن قلبي المكسور |
العرض المتطور