كله للخير

[souad jaalouk]

كله للخير

" لماذا أنت منحنية يا نفسي ولماذا تئنين في؟ ارتجي الله لأني بعد أحمده لأجل خلاص وجهه." ( مزامير 42 : 5 )

صدق انه خير

صدق لما ظروفك تكون صعبة .. وانت مش فاهم ليه؟ وتكون محتار !!
أنه خير.
صدق لما جسدك يشتكى عليك بألم أو وجع .. الادوية أعراضها الجانبية أكتر من فوائدها...
أنه خير.
صدق لما تعمل خير مع ناس كتير .. وهم يردوا ليك بدل الخير شر ..
أنه خير.
صدق لما تكون زى يوسف ترفض الخطية .. وبدل ما تكافئ تدخل السجن ..
أنه خير.
صدق لما تتقفل معاك زى موسي .. البحر قدامك والعدو خلفك ..
أنه خير.
صدق لما ربنا يفتح باب... خير
وإن قفل باب ...خير
إن منح خير وإن منع .. أنه برضو خير.
صدق أن ربنا لما يسمع صلاتك ويجاوبك خير .. وإن تأنى عليك ..
أنه كل الخير.
صدق إن ربنا ماسك زمام الامور .
. وكل الخيوط فى يده .. ولما يسمح بفرح أو بألم ..
أنه خير.
صدق إن اليد اللى اتثقبت من أجلك لن تؤذيك
.. ولن تقدم ليك إلا .. كل الخير..

انت متعرفش لأي درجة ربنا رحيم بيك،وبيحبك.
متعرفش ازاي بيبعتلك الناس والصُدف والاشخاص
والمُفاجأت عشان تفرحك،
متعرفش ازاي بيبعد عنك شر كان جايلك وينجيك منه،
متعرفش ازاي بيقربلك شئ لأن فيه خير ليك،
متعرفش ازاي بيبعد عنك شئ كان فيه شر ليك،
اطمن وخلي عندك ثقه الله بيعمل كله للخير .
والحمد الله علي كل شيء

فسيادة الله المطلقة على حياتك على وجه الخصوص
وعلى الحياة بشكل عام لابد وأن تطمئنك
، لأنه هو الفخاري الأعظم، وهو الذي سيشكل من حياتك
حياة أفضل وسيخرج من داخلك أجمل ما فيك.
«مشيئته للخير»





.

[walaa farouk]

موضوع رائع جدا
ربنا يفرح قلبك

[Mary Naeem]

مشاركة في قمة الجمال

ربنا يبارك حياتك