كلمات ترنيمة راجعلك، أصل أنا منَّك *
+ راجعلك أصل أنا منك وماأرتاحش بعيد عنك
بحبك أيوة ياربى أنا ملكك أنا ابنك
ق: يا شايل حملي على كتفك يا ناقش اسمى على كفك
غلطت كتير وتهت كتير ومهما أبعد أنا فى قلبك
+ ومن جهلى باسيب حضنك كثير وانساك
وتندهلي ونفسي عاملة مش سمعاك
ولما أدوس علي الأشواك وتوحشني الحياة وياك
باسيب الدنيا واجري عليك وبألجأ ليك
+ ولو تسمح أنا مستني هنا علي الباب
ياريت تفتح ياربي أنا جاي بعد غياب
أنا واقف على الأعتاب معاك بارتاح من الأتعاب
وقلبي القاسى حن وتاب وبأنده ليك