حرب العالم
حرب العالم لازم تكمل طول ما نفسي لسة في جسدي
لكن الهي ماسك بايديا وبيقوللي فوق حروبك هتعدي
رحلة طويلة مع اصوات صوتها مزعج تهز عروش
لكن عرش الهي قادر يهز العالم اللي مفهوش
غير اصوات كدابة بتعلن ابواق الشر وانفاسه
لكن اصوات الصدق بتعلي مع عرش الخير وحراسه
رحلة قيود واتعاب وحلاوتها في حلقي مرار
لكن رحلة تهون عليا طول ما راعيا يسوع البار
اللي فداني علي الصليب وعطاني مكان في احضانه
ووهبني اعيش في وطنه مش عاوز العالم واوطانه
رحلة طويلة وفيها هتمسك بصوت الرب وكلامه
مهما العالم رفض يسمع وزود عليا الامه
هعرف ان الرب مقدر اني عايش علشان ارضيه
واعلي بصوت الحق في قلبي واشهد عن حبه واعليه
وافتح باب الروح جوايا حتي رحيلي علي اراضيه
حتي رحيلي علي اراضيه