[nasser]

تعليمات بالنسبة للاجتماع

ازيكوا يا أحلى اخوات
كل سنة وانتوا طيبين بعيد آبائنا الرسل الأطهار
برنامج الاجتماع هاينزل حالاً لكن هانقول شوية تعليمات بسيطة واحنا عارفينها من الاجتماع اللى فات
1-احنا عارفين اننا هانبقى داخل كنيسة الفرح المسيحى وفى اجتماع روحى جميل وعلشان كده عايزين نعبش فى جو روحى خالص يعنى عند ما الاجتماع يبتدى كلنا نبقى موجودين ومنخرجش من الكنيسة أو الموضوع أو الاجتماع الا فى نهايته وفى الحالت الطارئة أو حد اتأخر ممكن يستأذن لكن نتمنى ان الجميع يكون حتى نهاية الاجتماع
2-برنامج الاجتماع هانلتزم به حرفياً وبنظام علشان نقدر نمشى بدرى
3- فى حاجة مهمة عايزين نقولها لما يكون حد مثلاً منزل ترنيمة ومدتها 5 دقائق مثلاً المفروض يبقى فى فترة صمت بوقت الترنيمة علشان كلنا بنسمعها أو نشاهدها فى نفس الوقت نفس الكلام يتقال على أى موضوع حد بينزله وكلنا نبقى موجودين فى الكنيسة والنقطة دى مهمة جداً
4-قبل صلاة الختام هنوزع كتاب كامل وهايكون مفاجأة وياريت كلنا نشوف الكتاب ونقرأه لأنه كتاب جميل وقوى واصدار عام 2015 واحنا عرفين فى الاجتماع الأول وزعنا أناجيل للجميع
5-برنامج الاجتماع هينزل لكن أى حد عايز يدخل فى البرنامج وينزل موضوع قدامه فرصة لحد بكرة بالليل ممكن يقولنا ونضعه فى البرنامج
6-اللى محضرش الاجتماع الأول وعايز يعرف كل شىء عن التلميذة طابيثا اللى الاجتماع على اسمها ممكن يفتح الصفحة الأولى فى نفس الموضوع

وفى الرسالة اللى جاية برنامج الاجتماع كاملاً
علشان كلنا نعرف دورنا وامتى ننزل المواضيع والترانيم فى الاجتماع