[sama smsma]

طريقة عمل سمك محشي بالخلطة مشوي وجمبري مشوي في الفرن وسمك بوري مشوي بالخلطة بالصور


طريقة عمل سمك محشي مشوي وجمبري مشوي في الفرن بالصور

المقادير
سمك بلطى الكميه اللى تحبيها ويكون متنضف ومنزوع القشور ...جمبرى حجم كبيربس مش كبير اوى اوى يعنى
ندخل بقى على مقادير التتبيله
لتتبيل السمك
فلفل احمر وقرن فلفل اخضر حامى وراس توم وملح وكمون وكزبره مطحونه وخل وليمون ومسطرده


لعمل الجمبري


توم وليمون وكمون وخل وملح وكزبره مطحونه ومسطرده وقرن واحد فلفل اخضر حامى وقرن واحد فلفل احمر حامى(يعنى الفرق بينها وبين تتبيلة السمك اننا مش هنكتر الفلفل فيها)


ولحشو السمك


حزمة كزبره خضره مفرومه بالسكينه وحزمة كرفس مفروم بالسكينه وجزر مبشور وطماطم مخرطه مكعبات وبصل مخرط مكعبات وكام فص توم مخرط حلقات بالسكينه وقرنين فلفل حامى ولعه نار وكل ده هنرش عليه ملح وكمون وليمون وكزبره مطحونه


طريقة عمل


الصوره دى فيها كل المقادير متجهزه وطبعا المقدار اللى فى الصنيه لشوى الجمبرى والمقدار اللى فى الكبه لشوى السمك ملاحظه الفرق فى اللون



وفى الصوره دى لاحظى انى حاطه اعواد الخله فى اقرب جزء من راس الجمبريايه علشان تبقى ماسكه نفسها وهى بتششوى وكمان لما هتتحط على صاجة الشوى هتمسك نفسها اكتر


وكمان عاوزاكى تراعى مقاس الجميرى فى الخله ليه بقى يعنى لو حطيتى جمبريايه كبيره وجمبريايه صغيره
الصغيره مش هتطول الصاجه بتاعة الشوى وهتبقى نيه

فى الصوره دى هاخد من الخلطه الحمرا اللى كلها فلفل احمر مفروم وابتدى اتبل السمك من جوه وبره



وهنا هقلب صنية الحشوه واخلطها ببعض كويس

وهنا هحشى السمك.. واحشيه كويس واكتر من الحشو كده لانه بيبقى طعمه روعة

وهنا هرص السمك المحشى فى صنيه وتكون مدهونه زيت وفرشه فى الصنيه كزبره خضرا متقطعه بحجم كبير
يعنى الحزمه مقسمه على اتين او تلاته حسب طول الكزبره وكمان فى الصوره دى الكزبره قليله شويه ابقى انتى كترى منها فى الصنيه بحيث تكون متغطيه
وهنا بقى هدهن السمك مسطرده من الناحيتين وقبل ما ادهنه بالمسطرده اعصر عليه 2 ليمونه

وكمان هدهن فوقهم زيت على خفيف كده

وانا بدهن السمك بالمسطرده والزيت اكون مولعه الشوايه بتاعة الفرن علشان تسخن شويه وبعدها احط الصنيه تحت الشوايه علشان السمك يتحمر وياخد لون ..ليييييييييييييييييييييييه؟؟؟ انا بحطه وهو نى ياخد اللون علشان لما اجى اقلبه الناحيه التانيه ميتهريش يبقى انا احطه تحت الشوايه ياخد اللون الحلو وبعدكده اقلبه على الناحيه التانيه ياخد اللون الحلو وبعد كده هطفى الشوايه واولع الفرن من تحت
هنا السمك اخد لون وابتديت اقلبه بس راعى النك تقلبيه بالشياله علشان ميتهريش منك



كده احنا خلصنا السمك وراعى انك مش تخلى المايه اللى نازله منه يشربها..لالالالالالالا.... خلى شوية مايه متبقيه بيبقى طعمه جناااااااااااااااااااااان...

.اللى فى الطبق الصغير ده الصوص بتاع السمك يمى يمى يمى

اتفضلى يا قمر احلى سمك مشوى من غير بهدله ولا دخان وطعم روعه


تعالو بقى مع بعض نشوف الجمبرى

هنجيب الصاجه بتاعة الشوى ونفرش عليها ورقة فويل وندهنها زيت على خفيف ونسخنها كويس وبعدها نرص اعواد الجمبرى

ونقلبه على الناحيه التانيه





ونراعى اننا نضغط على منطقة الديل ونظبطها عالصاجه علشان تستوى

وكل ما نرص اعواد جديده ننقط عليها نقط زيت على خفيف

وبعدكده ناخده من الصاجه على الصنيه اللى فيها الخلطه فكرينها ولا نسيتوها

هنحط على الخلطه شوية مايه ونظبط الملح والكمون والليمون والخل ونغطس فيه االجمبرى المشوى ونقلبه فيها

كويس وبعد كده نطلعه على ورق نشاف

يالله بقى نسرفس الجمبرى هنجيب الاطباق ونفرشها بالجرجير ونرص عليها الاعواد



------------------------------
طريقه عمل الجمبرى المحشى

المقادير:
1 كيلو روبيان جامبو كبير
4/1 كوب زيت زيتون
2 ملعقة كبيرة عصير ليمون
1 ملعقة كبيرة برش ليمون
1 ملعقة صغيرة ملح
4/1 ملعقة صغيرة فلفل اسود
1 ملعقة صغيرة ريحان



الحشو

1 كوب بقسماط
2/1 كوب زبدة مذابة
2 ملعقة كبيرة عصير ليمون
1 ملعقة كبيرة برش ليمون
4 فص ثوم مهروس
1 ملعقة صغيرة ملح
4/1 ملعقة صغيرة فلفل اسود
2/1 ملعقة صغيرة شطة مجروشة
2 ملعقة كبيرة شبت مفروم
2 ملعقة كبيرة بقدونس مفروم
1 حبة كبيرة صفار البيض
3 حبة كبيرة ليمون شرائح رقيقة
للتقديم
بقدونس مفروم

طريقة التحضير:

1. قشري الروبيان مع ترك الذيل موصول بحبة الروبيان. باستعمال المقص الخاص بتنظيف الروبيان إعملي شق عميق في ظهر الروبيان مع إبقاءه متصلا من جهة البطن. تخلصي من كيس الرمل. إضغطي حبة الروبيان من جهة الشق كي تصبح على شكل فراشة. ضعي الروبيان في طبق عميق.
2. أضيفي الزيت، عصير الليمون، برش الليمون، الملح، الفلفل والريحان. قلبي الروبيان ودعيه لعدة دقائق.
3. الحشو: في طبق عميق ضعي البقسماط، الزبدة، عصير الليمون، برش الليمون، الثوم، الملح، الفلفل، الشطة، الشبت، البقدونس وصفار البيض، قلبي المواد لتحصلي على خليط متجانس.
4. أحضري طبق فرن واسع. ضعي شرائح الليمون في الطبق.
5. خذي كمية من الحشو بحجم البيضة واضغطي عليها بأطراف أصابعك لتتماسك. ضعيها على حبة الروبيان واضغطي عليها لتلتصق. ضعي الروبيان المحشي على شريحة من الليمون. كرري حشو بقية الروبيان وضعي كل حبة على شريحة ليمون.
6. ضعي الروبيان المحشي في فرن على درجة حرارة 180م لمدة 15 دقيقة إلى أن يتحمص ويصبح لونه ذهبي مشهي.


----------------------------
سمك بوري مشوي
المقادير:


4 سمكات بورى
زعتر .
- زيت زيتون.
- عصير 3 ليمونات كبيرة.
- ملعقة ملح وفلفل.
- شرائح ليمون للتزين
- حفنة كزبرة خضراء وبقدونس
الطريقة:
(اقرأى نصائح تنظيف السمك الطازج)
1-سخني الشواية مسبقًا، نظفي السمكة من داخلها واغسليها جيدًا، جففيها تمامًا وادعكي الداخل بالملح والفلفل وعصير الليمون، ضعي عروق الأعشاب في الداخل.
2-احدثي 3 شقوق منحرفة في جانبي السمكة بواسطة سكين حاد، ضعي السمكة على السلك الحديدى من الشواية ورشي زيت الزيتون وعصير الليمون الحامض فوقها.
3- اتركيها حتي تمام النضج والشواء
4-انتشليها و ضعيها في طبق مزين بالجرجير و الليمون
5-قدميها مع أرز الصيادية و سلطة الطحينة