[Ramez5]

موضوعنا يمكن غريب شوية لكن دة واقع لازم نتكلم فية
هل انت كاخادم او خادمة هل يليق أن تضع صور عبد الحليم على صفحتك فى الفيس بوك ؟
يمكن هنا نقصد الممثلين والمطربين والمغنيين وما شابه ذلك ....
ممكن نلاقى رد البعض ( عادى جداً مافيش مشكلة ) والبعض الأخر يرفض ذلك
كل واحد حر فى التعبير عن رأية لكن خلونا نوصل لنقطة نتفق عليها مع بعض

انا هأتكلم عن رأيي الشخصى بكل وضوح ولكم التعلق بعد ذلك
يقول الكتاب المقدس (كل الأشياء تحل لى) 1كورنثوس6: 12
اذاً الأمر عادى جداً لما اضع على صفحتى الخاصة الفيس بوك صور عبد الحليم مثلاً
وزى ما انت بتحب عبد الحليم فى ناس بتحب شعبان عبد الرحيم

لكن خد بالك انت مكملتش باقى الأية !!!!!!
«كل الأشياء تحلُّ لي لكن ليس كل الأشياء توافق»
الآية وردت في 1كورنثوس6: 12 وتكررت مرة ثانية في الأصحاح10: 23
والتكرار دليل على أهميتها وارتباطها الوثيق بالحياة العملية

انت كاخادم او خادمة صورة السيد المسيح وكتاب مقدس مفتوح
أولادك فى الخدمة بيتعلموا منك وهايعملوا زيك ويقلدوك
تعلمهم يحطوا صورة جميلة للسيد المسيح ومعاها اية جميلة
ولا تعلمهم يحطوا صورة عبد الحليم وشعبان ومعاة كلمات أغنية

تخيل ابنك او بنتك فى مدارس الأحد معاة باباه او مامتة
وبيفرجهم على صفحتك على الفيس بوك
تخيل بقى شوف انت بقيت قدوة لمين كمان ( الأب والأم )
ياترى هتقدر تقربهم من ربنا من خلال صفحتك ازاى
ايوة أنت اللى بيتعلم منك الصغير والكبير لأنك صورة المسيح

خليك دايماً انجيل معاش نتعلم منك
حتى على صفحتك على الفيس بوك
خلينى ألاقى كلمة ربنا اللى تفرحنى
عاوز احب ربنا من خلالك انت ، ايوة من خلالك انت
وخليك فاكر دايماً أن
كل الأشياء تحلُّ لي لكن ليس كل الأشياء توافق