[بنت يسوع المسيح]

هبيع قلبي انا







استعدوا يا اسياد هنبدا المزاد
بضاعتنا كتيرة اشكال و الوان خطيرة
لكن النهاردة الفرصة الاخيرة
هبيع قلبي انا ...؟

مين يشتري مين يزود ؟؟

ده كان زمان
قلب طيب اوي و انسان
يهوى المشاعر و الاحساس
نبضه بيعزف احلا الالحان
بس النهاردة مبقاش خلاص

بقي قلب ميت

مبقاش يأسر فيه الاحزان
بقي قلب اقوي من الزمان
الحب عنده بقي اوهام
ولا يعرف حتي شكل الاحلام

القلب مات و ساب وصية
كتبها بحروف من دم
كتبها بدموع الذل
من قلب مات و كان ضحية
ضحية جرح و احزان
ضحية اسوة و نسيان

بصولي الناس و استغربوا
قلب ميت هيفيد بايه
قلتلهم انا اقولكوا
القلب ده حكايته ايه

اقولك انا يا استاذ
بكل صدق و اخلاص
هتكسب ايه ؟؟
من قلب يفرح و يبكي ؟؟
هتعمل ايه ؟؟
بقلب يتألم و يشكي ؟؟

هتعيش بيه فرحان يومين
و تدوق المر وياه سنين
هتشوفه بيموت كل يوم
من كتر الجراح و الهموم

صدقني

قلب ميت لصاحبه يعني كنز
هيعيش بيه في سعادة و فرح
ولا يوم هيحس بأي جرح

لانه قلب صعب يبكي !!
او في يوم تلاقيه يحس !!


و ساعتها هتعرف قيمة كلامي انا
و تيجي تدور علي قلبي انا
قلب محطم يتناثر حطامة
كتساقط اوراق الشجر
قلب عاش انجرح و تألم
تحت قطرات المطر

فهلموا يا بشر حد يشتريه
مافيش غيرك يارب اعطينى قلب جديد
منقول