السكه اللی بنمشيها
مين فينا بيعرف أخرتها
ومين بيودينا ليها
ومين هايداوی جراحاتها ..
بنروحها تملی برجلينا
وصوت جوانا أيه يمنعنی
رايحين شايلين ف أمانينا
راجعين كارهين التمنی ..
ومين يطلع فالاخر جانی
ومين يبقی المجنی
أحساس أعمی ممشينا
ولا أمل علی أوهام مبنی ..
الأجابه خلاص بقت سهله
أصل طلعت انت الجانی
وكمان علشان تعرف
طلعت برده انت المجنی ..
انت اللی أختارت سكتك
مع انها كانت مجهولة
مشيت ورا أحساسك
فأكتشفت انها مقفولة ..
بتستغرب وسبقاك دمعتك
وبتقول حاجه مش معقوله
أمال أحاسيسی دی كانت ايه
هاقولك ماهی المسؤلة ..
اتحمل بقی غلطتك
وخد حقك من نفسك بسهوله
أصل اللی كان سبب دمعتك
أنت وأحاسيسك المشلولة..
______________
كلمات / عمــاد حسنى