[AnDReW SaMiR]

المشاركة الأصلية كتبت بواسطة emy gogo

باحب ارحب بالعضو الجميل اندرو ويارب اكون خفيفة
وكمان مش هطول عليك خاااااااااااالص ماشى ويلا نبدأ الحوار الخفيف اووووووووووى

1 ) هل ده اسمك الحقيقى ولا المستعار ؟

اه يا ايمى ده اسمى ايه رايك !! : d

2 ) ما هو تاريخ ميلادك ومن اى بلد حضرتك ومؤهلك وانت بتشتغل ايه ده لو يعنى شغال والحالة الاجتماعية خلى بالك ده سئوال واحد يا جميل هههههههههه؟

انا مصرى وبابا مصرى مولود 30/5/92 انا فى رابعه اداب فلسفه وبشتغل مساح مش بمسح عربيات يعنى ده شغل مساحه وخرايط يعنى تقدرى تقولى مهندس صغير والحاله الاجتماعيه انا اعزب

3 ) ما هى الاكلة المفضلة فى حياتك بالنسبة الفطارى والصيامى ؟

سوال محير بصراحه فطارى بحب البانيه وصيامى بحب اى اكل من المطعم فول طعميه كده

4 ) هواياتك ايه ؟

كوره وفوتوشوب

5 ) ما هو اللون الذى تفضله فى اختياراتك من الالوان ؟

انا اكتر لونين بحبهم الاسود والاحمر

6 ) ما هو المكان الذى تفضله فى وقت ضيقك او حزنك ؟

مفيش مكان محدد

7 ) ما هو اكتر شئ تحب تعمله فى وقت فراغك ؟

بردو كوره وفوتوشوب

8 ) ما هو اكتر تاريخ فى حياتك عمرك ما تنساه ولماذا ؟

اول تاريخ 16/8 ده يوم وفاه بابا
تانى تاريخ 11/6 ده اليوم اللى قولت فيه للبنت اللى بحبها بحبك اول مره
تالت تاريخ 15/7 عيد الانبا كاراس

9 ) ما هو الشئ الذى يغيظك ؟

بتخنق اوى من الناس اللى بتقعد تقول يارب اموت ع الفيس

10 ) اكثر البرامج المفضلة لديك ؟

ممكن برامج الكوره او لو حاجه دمها خفيف

11 ) دمعه نزلت رغم عنك ؟

موقف كنت مظلوم فيه اووى

12 ) موقف صدمك ولن تنساه ؟

نفس الموقف اللى فات

13 ) كلمة تحب تسمعها كل يوم ومن مين ؟

دلوقتى مبقاش فى كلمه معينه من فتره كنت فى بنت صاحبتى بتقولى يا بطوط

14 ) كنت فى الاسانسير وطالع وفاجئ النور قطع تحب يكون معاك مين من اعضاء المنتدى فى هذا الموقف ( اذكر شخصين ) ؟

رونيا عشان لو طلع عفريت هى تخوفه
وسما هاديه كانت هتقعد تهدينا وتحسسنا ان مفيش اى مشكله

15 ) لماذا دخلت المنتدى ؟

فى البدايه دخلت بسبب مسابقه فوتوشوب وبعد كده حبيت المنتدى اوى وكانت سما اللى قالتلى على المنتدى


انا عارفة انى طولت عليك بس دى حاجة بسيطة عقبال ما تجاوب دول اكون خلصت اللى ورايا وجيت وفضيت

بس كده مش هجاوب تانى