نشكرك يارب
الهنا الطيب نشكرك على نعمتك ، نشكرك يارب لانك بتبعتنا نخدمك واحنا محتاجين خدمة .. زى يونان يارب اكتر واحد متعب واكتر واحد عنيد لكن رحمتك الواسعة تخلينا نخدم من اجل خلاصنا وانت تقدر يارب تعمل كل الشغل من غيرنا ولا تحتاج لأحد لكن مراحمك الواسعة يارب تخليك تدور علينا وعن طريق الخدمة تفوقنا وتعقلنا ... حط فينا التواضع اللى يخليك انت الكل فى الكل ونقول من قلبنا ينبغى انك تزيد يارب واننا كلنا نتناقص ..
ادينا يارب الغيرة على خلاص الناس ، ادينا محبة نقية
ليك ولكل اللى خلقتهم .. ادينا توبة صادقة مليانة رجاء ،
ادينا اتكال كامل على نعمتك وترتيباتك وحكمتك ..
اذكر يارب كل نينوى .. كل بلد محرومة من اسمك ومحرومة من معرفتك ...
اذكر كل يونان يارب .. كل خادم بيعند معاك وبيتكاسل فى خدمتك