شكراً أيها الفخاري العظيم على هذا العام
أشكرك علي كل وجع وألم .. حسيت فيه أنك بتعملي عملية تجميل وتنقية للحواس والمشاعر عشان أصبح علي صورتك.
أشكرك علي كل صليب وضيق .. حسيت فيه أنك بتقرب مني أكتر وكتفك في كتفي شايل عني وتقولي لا تخف.
أشكرك علي كل مرض و تعب .. حسيت فيه أنك جنبي طول الوقت سهران عليا وايدك بتلمسني وتحن عليا وتشفيني.
أشكرك على كل دمع وحزن .. حسيت فيه أنك بتمسح دموع عيني وتاخدي في حضنك وأسمع دقات قلبك بتعزيني.
أشكرك على كل نعمة وبركة .. حسيت فيها أنك بتسندني
اشكرك على كل فرحة وتعزية .. حسيت فيها أنك فرحان بأبنك
أشكرك ياربي على هذه السنة 2015 فرصة تانية جديدة لكي أقرب منك وأقدم توبة نقية تغسل ذنوبي وكمان أمجد اسمك القدوس
والآن يارب أنت أبونا
نحن الطين وأنت جابلنا وكلنا صنعة يديك
إشعياء 64 : 8