أصحاب المفلوج كان ليهم دور اساسى فى شفائه ..
هما اللى كانوا هيموتوا عشان يشوفوه بيتحرك ..
هما اللى قرروا ياخدوه و يروحوا البيت لما عرفوا أن يسوع هناك ..
هما الل...ى كانوا واثقين %100 أنه بكلمة أو بلمسة بس منه .. هيشفيه ..
هما اللى اصرّوا انهم يروحوا رغم انهم كانوا عارفين ان البيت زحمة .. ماقالوش فاكس ماحنا يمكن مانقدرش ندخل ..
هما اللى فضلوا شايلينه بسريره طول الطريق لحد ما وصلوا للبيت .. لأنه ماكنش فيه وقتها كراسى متحركة ..
هما اللى نزلوه من فوق السقف بعد ما فشلوا انهم يدخلوه من الباب .. ماستسلموش و قالوا احنا كده عملنا اللى علينا و مشيوا .. مع أن السقف مش أى ايدين تقدر عليه .. لأنه كان عامل زى السقف اللى فى جبال لبنان ..
هما اللى عملوا كل ده عشان بس "بيحبوه" و كانوا هيتجننوا و يشوفوه بيتحرك زى باقى الناس ..
يعنى نقدر نقول ان لولاهم كان المفلوج هيفضل مفلوج !!