[Magdy Monir]

دا حب حقيقى ولا شىء خيالى



حد يفسر لى اللى بيجرالى

مش عارف دا حب حقيقى ولا شىء خيالى

أنسان حاسس أنه على غالى

شايفه نجم فى السما عالى

ولما أراه أحس أنى طاير فى العلالى

يبقى دا حب حقيقى ولا شىء خيالى

أكون تعبان وهمى فوق أحتمالى

أتكلم معاه يزول تعبى ويتبدل حالى

وكأنى أتغيرت بأنسان تانى بدالى

يبقى دا حب حقيقى ولا شىء خيالى

على طول سهران ومش بنام الليالى

وألاقى طيفه فى مكانى جالى

أفرح وأتكلم معاه عن حالى

يبقى دا حب حقيقى ولا شىء خيالى

بأتمنى أشوفه على طول قبالى

لو غاب لحظه عنى يتبدل حالى

لو زعل منى أحس الموت جالى

يبقى دا حب حقيقى ولا شىء خيالى

بحب له الخير معايا أو مع بدالى

أفرح لفرحه وكأن الفرح جالى

يزعل كأن خنجر فى قلبى جالى

يبقى دا حب حقيقى ولا شىء خيالى

أنا حاسك حب حقيقى بس وصفك شىء خيالى






من كلماتى