[ramzy1913]

عرض مغري جدا من الشيطان اقبلو العرض هههههههههه
إلى
جميع فئات الشعب أطفال شيوخ و
شباب

إلى جماهير البشر
الغفيره و الحاضر يقول للى غاب


أنا الشيطان مش شاطر لأنى مش مـن الطلاب
لا بضرب حد على
إيدُه ولا بهدد بالعقاب

أنا بس بعرض سِلعتى و البايع و الشارى أحباب
و عندى خدمة التوصيل و تقفل شباك هدُق الباب

و على فكره أنا لحوح و كرامتى تحت التراب

و مش بيصعب عليا حد
لأنى مش هكسب ثواب


و أرحب جداً جداً
باللمه و الأصحاب
و اللى هصاحبُه
هيبقى قوى
و هيطلعلُه كتير
أنياب
تعالو و عيشو ويايا ده انا وحيد و عندى إكتئاب

و ماتبقاش أخلاق
منكُم لو سيبتونى أعيش فى عذاب
عندى هتلاقو الراحه و الحريه من غير حساب
عندى هتلاقو المتعه
وهتشربو السعادة فـي اكواب
دايماً هكون فـي
خدمتكمتحت الطلب خدام و
بواب

من قبل حتى ما تتمنو من غير سؤال هتلاقو جواب
المهم عندى راحتكُم
شوفتو ازاي أستحق الإعجاب

لكن ربنا هيقيدكُم صوم و صلا ة و عيشه هباب
قال إيه !! الدنيا
دى مش دُنيتكُم و انتو فى العالم أغراب

و اللى يضربك على
خدك حَوِل وِشَك من غير عتاب
و اللى يخاصمك عشان
هدومك سيبلُه الرداء و الثياب
إذاى يعنى تكونو
حملان و تعيشو وسط الذئاب
يعنى بذمتكُم ده
كلام ده أوهام ده سراب

إسمعونى و صدقونى ده
انا كبير
و شعرى شاب
خدو منى الكلام
المفيد
خدو خِبرتى و إعملو الصواب
سيبولى نفسكُم و ابقى انا ربكُم و نعمَّ الأرباب
و أوعدكُم بعيشه
حكايه و أحلى نهايه مش ذى مابيقول
الكتاب

ونعيش سوا فـي
بُحيرة مالهاش أخر وكبيرة ومافيهاش باب
الدفا ماليها والصريخ مخليها هيصة ونغم خلاب
هنبكى من كُتر
الفرحة
ونطنطط من غير أسباب
و نعيش للأبد سنين مالهاش عدد والمرة دى انا مش كداب
وتذكرو جملتي
الشهيرة (العين بالعين والسن بالسن والبادي أظلم)