[Sissy gaisberger]

اخواتى

وقات كتير بنقع فى مشاكل
ونقف ننادى القديسين ونطلب شفاعتهم



ونتعهد بدفع مبالغ وندور
وبمجرد ما تتحل المشكله ننسى ديونا واللى وعدنا بيه
لكن فى ناس مبتنساش وبتكون صاحيه

ومنهم حبيبنا و صاحب رسالتنا ديه
اللى بيفتكر ديونه وديون غيره كمان

قصتنا النهارده حكايه من اجمل الحكايات
وقصه من اجمل القصص
لراهبنا القديس يسطس الانطونى
والقمص اثناسيوس الانطونى رئيس دير الانبا انطونيوس السابق

الانبا يسطس:ارجع..ارجع
القمص اثناسيوس:يا ابانا ارجع ليه؟؟؟يا ابونا يسطس ..ارجوك سيبنى اعدى
الرهبان:يا ابانا يسطس..فيه ايه؟؟؟؟مالك؟؟؟؟
الانبا يسطس:ارجع تانى ...ارجع مكانك ...ورجع اللى انت سرقته من الملاك
القمص اثناسيوس:الملاك!!!!انا مش فاهم!!!!النهارده عيد الانبا بولا وانا واخد هدايا وخروف علشان العيد
الانبا يسطس:بس متخدش حاجه الملاك..رجعها تانى
القمص اثناسيوس:حاجه الملاك ميخائيل!!!!! انا مش فاهم

ااااااااه
انا فهمت ..الخروف ..الخروف بتاع الملاك..صح ..صح
الرهبان:فيه ايه يا ابانا؟؟

القمص اثناسيوس:يا ابنائى ..ابانا يسطس فكرنى بندر انا كنت ناسيه...انا كان عندى مشكله وندرت للملاك خروف.... وفعلا اتحلت واشتريت الخروف وعلمته بعلامه صغيره علشان اتعرف عليه بعد كده ....ولما جيه عيد الانبا بولا مخدتش بالى واخدت الخروف هديه ونسيت الندر بتاع الملاك خالص...ازاى مقدرتش الاحظ العلامه ؟؟؟؟وازاى الملاك كشف الحقيقه ديه للانبا يسطس اللى محكتهاش لحد خالص؟؟؟؟وازاى عرف امر الندر ده؟؟؟؟؟ ليك حق يا انبا يسطس ..ليك حق

وفعلا اخواتى
دخل الرهبان الخروف صاحب العلامه الدير مره اخرى واخرجوا خروف اخر
ووقف رئيس الدير القمص اثناسيوس الانطونى رئيس الدير
يشكر الانبا انطونيوس وهو مبتسم
وخرج وهو مصحوب بدعوات ابينا يسطس

اخواتى
دعونا نتعلم ان نوفى ندورنا ونعطى اصحاب الحقوق حقوقهم