*** الانبا ابرام اعطانى طلبى ***
أنا عايزة اقول لكم انى كانت عندى مشكلة كبيرة بينى وبين زوجى بسبب الشقة وكنت قاعدة عند حماتى مؤقتا ورحت قعدت عند والدتى لمدة اسبوع واحد طلبت من الانبا أبرأم يدخل ويحل المشكلة لآن زوجى وقتها كان غضبان جدا وطلبت من الانبا ابرام الشقة وعلى فكرة ديه كانت اول مرة لى اطلبه فيها .
وكانت المفاجاة ان فى اسبوعها لقيت شقة وكانت جنب كنيسة وانا باكتب العقد سألت صاحب العمارة عن اسم الكنيسة قال لى اسمها كنيسة العذراء والأنبا ابرام
انا باشكره جدا على سرعته فى حل المشاكل الى قد تكون محتاجه لتدخل القديسين قبل كل شئ لان مشكلتى كانت مش ينفع فيها تدخل بشرى خالص
ودلوقت انا بادور على شغل وطالباه منه وانا واثقة انه هايتدخل لانه عارف اد ايه انا محتاجة للشغل فى الوقت الحالى
صلاة وشفاعة الانبا ابرام تكون مع جميعنا الى الابد امين