الشماس حاسس أن كل حاجة هو اللى بس يقدر يعملها !!!! مفيش حد تانى .
واليوم الشماس راح مكتب السكرتاريه فى الكنيسة . وشاف الخادمة قدامها شغل كتير .
طيب أنا ها أتصرف . ده اللى قاله الشماس .
وفى أندفاعه شاف أبونا .
يا أبونا : السكرتاريه مزحومة وأنا لازم أعين حد تانى يساعد .
رد أبونا وقال . وماله يا أبنى نعرض الامر على مجلس الكنيسه ونشوف الموضوع ده .
يااااااااااااااااااااااه تانى ها نعرض ونشوف . أنا عايز دلوقتى على طول . حالا دلوقتى ..
رد أبونا بحكمة وقال . طيب نصلى فى الأول وأكيد ربنا ها يحلها .
الشماس ما عجبهوش كلام أبونا . هو يعنى ربنا ها ينزل من السماء حد يساعد . وبعدين أحنا لازم ندور ودلوقتى حالاّ .
بعد القداس الشماس أقترب من بعض أعضاء الكنيسة . وكل واحد يسأله : تيجى تساعد فى سكرتارية الكنيسة .
والرد واحد . خلينا نشوف وربنا يرتب .
هو أيه الحكاية معاكم بقى ؟
وفى لحظة لمح شاب وسيم جميل شيك حسن المظهر . وواضح أنه((( هاى كلاس ))) .. نظارة سوداء على وجهة وكأنه حاجة مهمة خالص .
أقترب الشماس منه وبعد السلامات سأله سؤال .
هو حضرتك بتشتغل أيه ؟؟
رد الشاب وقال : أنا مش بأشتغل .
بس خلاص صاح الشماس . هو أنت اللى بدور عليه . من بكرة الصبح ها تيجى تشتغل فى السكرتاريه . ومفيش ليك أعزار وخلاص بقى مفيش سهر على النت والفيس بوك .
وهنا أقترب رجل فى مقتبل العمر وسلم على الشماس . وربت على كتف الشاب بطريقه أبويه .
وهنا قال الشماس ياه كل الأمور الأن أتحلت وأدى والدك جه كمان . وأكيد مش ها يمانع أنك تشتغل فى مكتب السكرتاريه .
وهنا تكلم الرجل . أنا المهندس سعيد . وعادل أبن صديقى , بس زى أبنى بالضبط .
وأنا جيت الأن علشان أوصله للبيت
أصل عادل كفيف .
***********************
ياترى هو عمى عين ولا عمى قلب .
بقدر يسير جداّ يستطيع أى شخص أنه يضبط التسرع وطبيعة الأندفاع والعفوية بدون تفكير .
هل يا ترى أستفدنا من الدرس ...........؟؟؟